________________
આત્માનુભવનું કાર્ય કૃપાળુદેવે ગૃહસ્થાવસ્થામાં રહીને કર્યું હતું તેથી કોઈપણ પ્રથમ ગુણસ્થાનવર્તી દ્રવ્યલિંગી સાધુએ કૃપાળુદેવની ટીકાટીપ્પણી કરવાનો અધિકાર નથી. તેમજ અનેક શાસ્ત્રનું માત્ર લયોપશમ જ્ઞાન ધરાવનાર વાચજ્ઞાનીએ પણ કૃપાળુદેવનું મૂલ્યાંકન કરવાનું સાહસ ન કરવું જોઈએ. કારણ કે એમ કરવાથી તે વાચાશાની મટીને આત્મજ્ઞાની થઈ જતા નથી પરંતુ જ્ઞાની અવહેલના કરવાની અનધિકૃત ચેષ્ટાના બદલામાં અનંત પાપકર્મોનું બંધન જ કરી રહ્યા છે. ખરેખર તો તેમણે સત્યને ગળે ઉતારવા માટે સૌથી પહેલા તો ગળામાં અટકાયેલો અહંકારનો પત્થર હટાવવો પડશે. ત્યાર બાદ જ એ વાત સમજાશે કે આત્મસિદ્ધિ શાસ્ત્રના આધારે લખાયેલ આત્મસિદ્ધિ અનુશીલનનું પ્રત્યેક વાક્ય કોઈને કોઈ વિશેષ વિષય તરફ આંગળી ચીંધે છે.
આત્મસિદ્ધિ અનુશીલનનો ઉદ્દેશ એ જ છે કે દરેક જીવ અનેકાંતસ્વરૂપી નિજાત્મા સહિત જગતને સમજે. એકાંતના વ્યામોહમાં ન ફસાઈને પોતાનો મનુષ્યભવ બરબાદ ન કરે. જ્ઞાનીના ભાવોમાં કોઈ ભેદ હોતા નથી, માત્ર ભાષામાં વિવક્ષાનુસાર ભેદ હોય છે. નાના દૃષ્ટાંત તથા યુક્તિ સહિત વિવેચન તથા પૂજ્ય ગુરુદેવશ્રી કાનજીસ્વામીએ આપેલ આત્મસિદ્ધિ શાસ્ત્ર પરના પ્રવચનોના અંશોને પણ આત્મસિદ્ધિ અનુશીલનમાં ઉદ્ધત કરવામાં આવ્યા છે. સાથે સાથે એ વાત પર પણ ભાર આપવામાં આવ્યો છે કે આત્મસિદ્ધિ શાસ્ત્રમાં નિરૂપિત વિષયનો ખુલાસો જિનાગમમાં અન્ય ક્યા ક્યા સ્થાને છે જેથી વિશેષ જિજ્ઞાસુ જીવ આત્મસિદ્ધિ શાસ્ત્રને વિશેષ સમજવા માટે અન્ય ગ્રંથોનો અભ્યાસ કરી શકે. જો કે એ વાત પરમ સત્ય છે કે જ્ઞાની જ જ્ઞાનીના વચનને ઓળખી શકે છે.