________________
કૃપાળુદેવની અનેકાંત દૃષ્ટિને આત્મગ્રાહ્ય કરવા માટે એકાંતદષ્ટીની દૃષ્ટિમાં એવું તેજ નથી, તેના વિચારોમાં એટલી સમજણ નથી, તેના હૃદયમાં એટલી કોમળતા નથી, તેના કાનમાં એટલું ધૈર્ય નથી, તેના પગમાં એટલી તાકાત નથી કે તે કૃપાળુદેવના હૃદય સુધી પહોંચી શકે કે સમજી શકે. સદ્ગુરુના મર્મને સમજવા માટે પોતાના હઠાગ્રહ, મતાગ્રહ, મઠાગ્રહ, કદાગ્રહ, દુરાગ્રહ, પૂર્વાગ્રહ વગેરે વ્યવહાર આગ્રહો છોડવા અનિવાર્ય છે. કારણ કે જીવને એક જ ગ્રહ સૌથી વધુ નડે છે અને તે છે આગ્રહ.
દુનિયામાં તીવ્ર વેગથી ફેલાઈ રહેલા આતંકવાદની રક્ષા કરવા માટે તથા અપરાધને જડમૂળથી નષ્ટ કરવા માટે સાચા દેશપ્રેમી હથિયાર લઈને માતૃભૂમિની રક્ષા કરવા માટે રણભૂમિમાં લડાઈ કરવા માટે ઉતરે છે અને વિજય પણ મેળવે છે. જ્ઞાનીની વાણીનો અવિનય કરનાર અપરાધીના અપરાધને જડમૂળથી નાશ કરવા માટે મારા જેવો સામાન્ય માણસ શું કરી શકે? મારી પાસે તો તલવાર, બોમ્બ, મશીનગન વગેરે કોઈ હથિયાર નથી તેમ છતાં હું નિશ્ચિત છું તથા એકાંતવાદી મિથ્યાદિષ્ટીના અપરાધને દૂર કરવા કટિબદ્ધ છું. કારણ કે મારી પાસે પણ એક હથિયાર છે, તે છે “કલમ'. આત્મસિદ્ધિ શાસ્ત્રના નિરંતર અધ્યયન વડે મેં મારી કલમને સજાવીને તૈયાર કરી લીધી છે. કલમની ધાર તલવારની ધાર કરતા વધુ અસરકારક હોય છે. તલવાર તો માત્ર ઉપરથી જ વ્યક્તિના શરીરને ચીરીને કષ્ટ પહોંચાડે છે જ્યારે કલમ વડે લખાયેલ આત્મસિદ્ધિ અનુશીલન મિથ્યાદષ્ટીને મિથ્યાત્વને ચીરીને અનંતદુઃખથી મુક્ત કરવામાં સહાયક બનશે એવો મને આત્મવિશ્વાસ છે.
આ પુસ્તકનો આધાર આત્મસિદ્ધિ શાસ્ત્ર છે તથા પ્રેરક શ્રી
