________________
આત્મસિદ્ધિ શાસ્ત્ર હાથ લાગતાં જ મારી ઊંઘ હરામ થઈ ગઈ હતી. મેં મારા એક મિત્રને પણ કહ્યું કે મને થોડા દિવસથી રાત્રે ઊંઘ જ આવતી નથી. તો તેણે મને કહ્યું, જો એમ હોય તો દિવસમાં ઊંઘવાનું બંધ કરી દો. મેં તેને કહ્યું કે, ભાઈ! મને દિવસમાં પણ ક્યાં ઊંઘવાનો સમય મળે છે. હું તો બસ, આખો દિવસ આત્મસિદ્ધિ શાસ્ત્રનું વાંચન કરું છું, તેના મર્મને સમજવાનો પ્રયત્ન કરું છું અને રાત્રે પણ તેનું જ મનન અને ચિંતન. હવે તો બસ, પૂર્વભવની અધૂરી સાધના પૂર્ણ કરવા માટે આનાથી વધુ ઉત્તમ સાધનો બીજા ક્યા હોઈ શકે? એવા ઊંડા વિચારોમાં જ મારું મન રમ્યા કરતું હતું. આત્મસિદ્ધિ શાસ્ત્રને એક પળ માટે પણ છોડવાનું મન થતું ન હતું. છોડું તો છોડીને જાઉ ક્યાં? બધે જ તો ભટકીને આ અણમોલ ગ્રંથનો ભેટો થયો હતો તેથી તેને છોડવાનું મન કેવી રીતે થાય? - આત્મસિદ્ધિ શાસ્ત્રના મર્મને ન સમજવો એ અજ્ઞાની જીવની ભૂલ છે. અજ્ઞાનીના અજ્ઞાનભાવને લીધે તેની ભૂલ ક્ષમ્ય પણ છે પરંતુ આત્મસિદ્ધિ શાસ્ત્રને અપ્રમાણ કહેનાર જીવ ભૂલ નહિ, પણ ગુન્હો કરે છે, ગુન્હો અક્ષમ્ય છે. મારા અહો અહો ઉપકારી સદ્ગુરુ આધ્યાત્મિક યુગપુરુષ સદ્ગુરુદેવશ્રી કાનજીસ્વામી છે. પૂજ્ય ગુરુદેવશ્રીએ શ્રીમદ્ રાજચંદ્રજીને આત્મજ્ઞાની સદ્ગુરુ તરીકે સ્વીકાર્યા હોવાથી તથા કૃપાળુદેવની અપાર મહિમાનું વર્ણન પણ કર્યું હોવાથી શ્રીમદ્ રાજચંદ્રજી તો મારા પરમગુરુ કહેવાય. ગુરુના ગુરુનો સ્વીકાર કર્યા વિના ગુરુનો પણ સ્વીકાર કેવી રીતે થાય? તેથી શ્રીમદ્ રાજચંદ્રજી તથા આત્મસિદ્ધિ શાસ્ત્ર વિષે કોઈ પણ મિથ્યાદિષ્ટીએ ટીકા-ટીપ્પણી કરવી અથવા તો તેઓશ્રીના વચનો પર સંશયનો વિકલ્પ પણ કરવો એ મિથ્યાદષ્ટીના સંસાર સાગરમાં દીર્ઘ પરિભ્રમણની નિશાની છે. જે કાર્ય આજના પ્રથમ ગુણસ્થાનવર્તી દ્રવ્યલિંગી સાધુ ઘર છોડીને નથી કરી શક્યા તેવું
16