________________
ચીની શક્તિ
૩૫ ત્યારે મૃગધરે કહ્યું: “મારી એક પુત્રવધૂ છે. એનું નામ વિશાખા છે. એ મગધથી આવેલી છે. ભગવાન મહાવીર અને ભગવાન બુદ્ધ જ્યાં થઈ ગયા એ પવિત્ર ભૂમિમાંથી એણે સંસ્કાર મેળવેલા છે. એ મારી પુત્રવધૂએ મારી આ સમસ્યા ઉકેલી છે. સિત્તર વર્ષની વૃદ્ધાવસ્થાએ આજે જ્યાં હું નિષ્ફળ નીવડવાને હતું ત્યાં મારી પુત્રવધુએ મને સફળ બનાવ્યું છે.”
આખી સભા દિમૂઢ બની ગઈ. રાજા પ્રસેનજિતે કહ્યું: મારે તમારી પુત્રવધૂનાં દર્શન કરવાં છે. એને હાથી પર બેસાડીને માન સહિત અહીં લાવો.”
અને વિશાખાને માન સહિત રાજસભામાં લાવવામાં આવી. એને માન સાથે બેસાડવામાં આવી. અને પછી મૃગધરે એને એક વાત પૂછી. આ વાત તમારે સમજવા જેવી છે.
મૃગધર કહેઃ “આજે તેં મારી સમસ્યા ઉકેલી આપી છે ત્યારે મને એક વાત પૂછવાનું મન થાય છે. લગ્ન વેળાએ તારાં માબાપે તને શિખામણમાં જે ચાર વાત કહી હતી તે આજે મને યાદ આવે છે, અને એટલે જ મારા મનમાં એક સવાલ ઊભું થયું છે.”
વિશાખા કહેઃ “પૂછે બાપુ, આપને જે પૂછવું હોય તે પૂછે.”
જ્યારે તું સાસરે આવવા નીકળી ત્યારે તારી આંખમાં મોતી જેવાં બે આંસુ હતાં. એ આંસુ સહિત જ્યારે તે
