Page Text
________________
શ્રી જિનના અજૈન” અનુયાયીઓ
“દરમ્યાન હેઝલ કેમિસ્ટને ત્યાંની નોકરી છોડી બેન્ક કલાર્ક બની હતી, અને ફુરસદના સમયે મોડેલ તરીકે કામ કરતી હતી.
“એક રાતે હેઝલ ઘેર પાછી ન ફરી. શાન જે રેસ્ટોરાંમાં રાતના બબરચીની નોકરી કરતો હતો તેના ભોંયતળિયાની રૂમમાં શાન ને હેઝલ ઘણીવાર મળતાં. એ રાતે બને પ્રેમીઓ મળ્યાં. એકબીજાને ચુંબનની આપ-લે થઈ અને બીજી પળે લડી પડ્યાં. શાન ગર્વીલો અને સાથે સાથે ઈર્ષ્યાળુ હતો. અને હેઝલે જ એને કહી દીધું કે એને બીજા કોક સાથે પ્રેમ થયો હતો. અને શાનના હાથ હેઝલના ગળે ભીડાયા. હેઝલ ગૂંગળાઈ, ઢગલો થઈ ફરસ પર પડી મૃત્યુ પામી.
શાન ગભરાયો, ન ધારેલું બની ગયું. લાશ કરતાં તેના ટુકડાને જલદી વગે કરી શકાશે તેમ ધારી શાને હેઝલની લાશના ટુકડા કર્યા.
“માતા તો હેઝલને ઝંખતી હતી...ત્રીજા દિવસે એણે રેડિયો પર સાભળ્યું કે ગૂમ થયેલી હેઝલનું ટુકડા થયેલું શબ એક રેસ્ટોરાંના ભોંયતળિયેથી મળી આવ્યું હતું અને એ જ માળામાં ઉપરના મજલે એક ભારતીય મેડિકલ ટુડન્ટ ગેસથી આપઘાત કરવાનો પ્રયત્ન કર્યો હતો.
“શ્રીમતી મુલન પહેલાં તો ભ્રમિત બની ગઈ, પણ પછી..... હું મારી લાડલી દીકરીનો વિચાર નહોતી કરતી પણ શાનનો કરતી હતી. મેં માન્યું કે એ પણ મરી ગયો હતો. એ વિચાર મને આવ્યો કે પોતાના ભયંકર કૃત્યનો પશ્ચાત્તાપ પણ શાન હવે કરી શકશે નહિ.અને જ્યારે મેં જાણ્યું કે તે જીવિત હતો ત્યારે મેં પ્રભુનો ઉપકાર માન્યો. મને લાગ્યું કે મારે તેની પાસે જવું જ જોઈએ, અને કહેવું જોઈએ કે મેં એને ક્ષમા કરી છે. પણ સત્તાવાળાઓએ મને શાનને મળવા જવા દેવા ઇન્કાર
કર્યો.'
“શાનને જેલમાં મળવા જનાર એક મિત્ર સાથે શ્રીમતી મુલને એક ચિઠ્ઠી એને લખી મોકલી અને શાને જવાબ મોકલ્યો “હા....મને માફ કરો.....'
શ્રીમતી મુલનની ઉદારતા એથી ય આગળ વધી. એણે ભયંકર યંત્રણા ભોગવતી બીજી એક માતાનો વિચાર કર્યો–શ્રીમતી જમુના મોહાંગીનો–જે એના પતિ સાથે તેમના પોતાના, નાતાલમાં આવેલા, ‘સ્યુગર પ્લેન્ટેશન’ની દેખરેખ રાખતા હતા. મુલને તેમના પર પત્ર લખી દિલસોજી દર્શાવી અને શાન માટેની પોતાની ભલી લાગણીઓ વ્યકત કરી.
ડબ્બીનમાં શાન પર મુકદ્દમો શરૂ થયો. અને તેની માતા, વિમાનમાં આફ્રિકાથી ડબ્લીને આવી. શ્રીમતી મુલનનો એક મિત્ર જમુના મોહાંગીને તેને મળવા લઈ આવ્યો.
“શ્રીમતી મુલને જમુનાનો સત્કાર કર્યો, ચા પાઈ અને બન્ને માતાઓ વાતે વળગી. ધ્રુસકે રડતી જમુના મુલનને ઘેરથી પાછી ફરી ત્યારે થોડીક શાંત થઈ હતી.
| SR No. | 005904 |
| Book Title | Aapne Aatmnirikshan Karishu |
| Original Sutra Author | N/A |
| Author | Amarendravijay |
| Publisher | Aatmjyot Prakashan |
| Publication Year | 1982 |
| Total Pages | 192 |
| Language | Gujarati |
| Classification | Book_Gujarati |
| File Size | 12 MB |