Page Text
________________
અર્થ-કામ માટે શું કરવું? ધર્મ જ]
[ ૬૫
નિવારણ કરવા અમ કરવાનો અને શ્રી શંખેશ્વર પાર્શ્વનાથ પ્રભુનું સ્નાત્ર કરવાનો ઉપદેશ આપ્યો હતો એ તો તમને ખબર હતી અને ! તો પછી આટલું વિચારવું ન જોઈએ કે નગરદાહ-નિવારણ માટે આયંબિલાદિ કરવા એને વિષાનુષ્ઠાનરૂપે હું ઘટાવી દઈશ, તો જરા નિવારણ માટે અક્રમ કરવો એને પણ મારે વિષાનુષ્ઠાનરૂપ માનવો પડશે અને તો પછી ભગવાન શ્રી નેમિનાથ પ્રભુએ કૃષ્ણને વિષાનુષ્ઠાન કરવાનો ઉપદેશ આપ્યો એવું ફલિત થઈ જવાની આપત્તિ આવશે. - મહાત્મન્ !તમને આ બધી બાબતોની ગંભીરતાનો ખ્યાલ આવે એટલા માટે મેં નેમનાથ પ્રભુએ આયંબિલાદિ ઘર્મ કરવાનો ઉપદેશ આપ્યો હોય એ વાત શામાં જોવા મળતી નથી એવી તમારી માન્યતાને સ્વીકારી આ બધી વાતો લખી. બાકી વાસ્તવિકતા તો એ છે કે “પ્રભુએ એ ઉપદેશ આપ્યો છે એ વાત શાસ્ત્રમાં પણ આવે જ છે. જુઓ, શ્રી પાંડવચરિત્ર, સર્ગ ૧૭, શ્લોક ૨૭૮. (શ્રી કૃષ્ણ તીરથી વીંધાયા પછી જરાકુમારને દ્વારિકાનો અહેવાલ આપી રહ્યા છે તે અધિકારમાં જરાકુમારને કહી રહ્યા છે કે, " દ્વારિકાના લોકો સ્વભાવથી, મારા આદેશથી અને ભગવાનના ઉપદેશથી ઘર્મકાર્યોમાં એકસજ્જ બન્યા. ' . દ્વારિકાના લોકોને એ અનુષ્ઠાનોને વિષાનુષ્ઠાન રૂપે જાહેર કરવાનું સાહસ કરનારા, તમારું, મુનિવર ! અભિમાન હવે ક્યાં ઊભું રહેશે ? અને પાંડવચરિત્ર વગેરે શાસ્ત્રોમાં આ વાત જોવા મળતી નથી એવું લખનારા તમે પાંડવચરિત્ર વગેરે શાસ્ત્રોને કેવાં જોયાં વાંચ્યાં છે ? એનું પણ આનાથી - સૂચન શું નહીં થાય ? . વળી, મહાત્મન ! તમે પોતાના તાનમાં આવી જઈને દ્વારિકાના લોકોનાં એ આયંબિલાદિ અનુષ્ઠાનોને વિપાનુષ્ઠાન હોવારૂપે જે લખ્યાં છે, તે પરમ તારક દેવાધિદેવ શ્રી નેમિનાથ પ્રભુ પર, તેઓશ્રીએ વિષાનુષ્ઠાનનો ઉપદેશ આપ્યો હતો એવો આરોપ મૂકવારૂપ નથી શું? તમારી આ ધૃષ્ટતાને કયા ઘર્મપ્રેમી સુજ્ઞજન સહન કરી લેશે ? એમ હું તમને અને લોકોને પૂછું છું કે તમે જે કોઈ ગ્રન્થમાં આ પ્રસંગનું વર્ણન વાંચ્યું હોય કે જ્યારે ક્યારે કોઈ પણ " स्वभावतो ममादेशादुपदेशादपि प्रभोः । बभूव धर्मकर्मैकसज्जो द्वारवतीजनः ।।२७८।।
| SR No. | 005882 |
| Book Title | Tattvavalokan Samiksha |
| Original Sutra Author | N/A |
| Author | Abhayshekharsuri |
| Publisher | Kantilal Chhaganlal |
| Publication Year | |
| Total Pages | 238 |
| Language | Gujarati |
| Classification | Book_Gujarati |
| File Size | 15 MB |