________________
વાપરવામાં તમને હિચકિચાટ નથી, અને અહીંયાં ભક્તિમાં જ કરકસર કરવી છે ? તમે પોતે અત્યારે જે હિંસામય જીવનમાં બેઠા છો તે પ્રમાણે પાણી-ફૂલ આદિનો ભક્તિ માટેનો ઉપયોગ બાધક નથી, પણ જયણા જરૂરી છે. આવી રીતે ઘણા પરિણામોનો મર્મ જુદા-જુદા પાસાંથી વિચારવો પડશે.
સભા:- દેરાસરમાં લાઇટ વપરાય?
સાહેબજી - લાઇટથી તમે દેરાસરમાં આધુનિકતા લાવો છો જેનો અમારે વિરોધ છે, પણ હિંસાની દષ્ટિએ વિરોધ નથી; કારણ કે દીવામાં પણ હિંસા તો છે જ, પણ દીવાથી મંદિંરની ભવ્યતા સચવાય અને લાઇટથી જિનબિંબને નુકસાન થાય છે, તે દીવાથી ન થાય. ઉપરાંત ઘીના દીવાથી વાતાવરણમાં સાત્વિકતા પણ રહે છે. તેથી લાઈટનો વિરોધ છે, બાકી ભક્તિનાં દ્રવ્યોના ઉત્પાદનમાં થતી હિંસા પૂજામાં જોવાની નથી.
લોકોત્તર દાનધર્મ “અનુકંપા”