Page Text
________________
તમારાં શ્રદ્ધા-સદાચારમાં અત્યારે કાપ આવ્યો છે. સુપાત્રના ક્ષેત્રમાં ટોટલ થઈને બાર મહિને પાંચ-પચીસ કરોડ ખર્ચાતા હશે. આ તો સમગ્ર ભારતની વાત કરું છું. આની સામે ટોટલ જૈનોના મનોરંજનનો ખર્ચ કેટલો આવે? હોટેલોનો ખર્ચ કેટલો આવે? ભારતમાં એક દિવસનો મનોરંજનનો ખર્ચ અબજો રૂપિયાનો થાય છે. ત્યાં કોઈને કાપ મૂકવાની જરૂર નથી લાગતી. માત્ર ભગવાનની ભક્તિ કરવામાં જ કાપ મૂકવાની આવશ્યકતા લાગે છે. અમારી દૃષ્ટિએ સુપાત્રમાં કાપ મૂકી અનુકંપામાં વધારે કરવું તે મહાપાપ છે, તે વિચારમાત્ર પણ મહાપાપ છે. અત્યારે દેવદ્રવ્યમાં પૈસો ઘણો છે તેવો ખોટો પ્રચાર થયો છે, પણ કુલદેરાસરોનું જો સમારકામ કરાવવામાં આવે તો પૈસો ઓછો પડે, એમ સરકારે નીમેલા કમીશનનો રીપોર્ટછે. સુપાત્રદાનને હલકું માનવું કે તમારી બુદ્ધિ હલકી થઈ છે તેની નિશાની છે, ભલે પછી દરરોજ પરમાત્માની ભક્તિ કરતા હો. માનવહૃદયમાં જ પ્રભુનો સાચો વાસ છે તેવું તો તમે નથી માનતા ને ? મંદિરમાં પથ્થરની મૂર્તિ છે એવું માનીને પૂજા કરતા હો તો તમારી ભક્તિ જ ખોટી છે, તેવાને વાસ્તવમાં પૂજા કરવાની જરૂર જ રહેતી નથી. આજના લોકો ભાન ભૂલ્યા છે. ભારતના કોઈ ધર્મો આવું બોલતા નથી, છતાં પણ તેના નામે પ્રચાર ખોટો થાય છે. સમાજમાં હજારો માણસોની વિચારધારામાં આ ચેપ ફેલાયો છે. બહાર જ નહીં ઘરમાં પણ આ ચેપ લાગી ગયો છે, તેથી જhammering-પ્રહાર કરીને તમારી દષ્ટિ બદલવા માંગું છું. સભા :- ઘી બોલીને પૂજા કરીએ તેના કરતાં અનુકંપામાં ખરચીએ તો?
સાહેબજી ખોટા મોજશોખ કરીએ તેના કરતાં અનુકંપામાં ખરચીએ તેવો વિચાર કેમ નથી આવતો? વળી અનુકંપામાં દયાપાત્ર, ગરીબ, દીન-દુઃખી આવે છે. આ લોકો કાંઈ સગુણી નથી. લૂલા, લંગડા, દુઃખી જીવો છે. ગુણિયલ ને ગુણહીનનો ભેદ વિચારો. ગુણ એ જ ધર્મ છે. ગુણપ્રાપ્તિથી જ ધર્મનો પ્રારંભ થાય છે. પરાકાષ્ઠાનાં ગુણો પરમાત્મામાં છે. તેમની ભક્તિ અને દીને માનવની દયા સમાન સ્તરે નથી.
અત્યારે તો સાધુઓ પણ એવા તૈયાર થયા છે કે લાખો રૂપિયા આંગીમાં ખર્ચે તેના કરતાં અપંગોને આપો, તેવું બોલે છે. આવા સાધુઓની પણ બુદ્ધિ બગડી છે. ક્યાં ભગવાનની આંગી ને ક્યાં અપંગોની સારવાર? અનુકંપ્યને સુપાત્ર સાથે સરખાવાય જ નહિ, કેમ કે તે બંનેના ગુણ પણ સરખા નથી.
લોકોત્તર દાનધર્મ “અનુકંપા”
wwwwwwwwwwwwww
૬૧
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |