________________
પણ અશ્રદ્ધાપોષક પદ્ધતિથી ભણાવાય છે.
માનવી ક્રમશઃ અક્ષરજ્ઞાન, ગુણાકાર, ભાગાકાર કેવી રીતે શીખ્યો અને તે વિશે કયા દેશમાં પ્રથમ શોધ થઈ તેની અનુમાન આધારિત વિગતો આજના શિક્ષણમાં ભણાવીને “જાણે ભૂતકાળમાં આવી શોધ વગરના આપણા પૂર્વજો બોઘા અને બુદ્ધ જ હતા’’ તેવું સ્થાપિત કરે. આવી બધી વાતો જેના મગજમાં બેસી જાય તે નાસ્તિક જ બને. પછી સર્વજ્ઞે કહેલી વાતો પર તેને વિશ્વાસ ન જ આવે. આજના ભણેલા લોકો સાધુમહાત્માઓને બુદ્ધુ-બેવકૂફ માને છે, તેમાં કારણ આવી માહિતીઓ જ છે. નાના છોકરા તો કોરી પાટી જેવા હોય છે, જેવું આપો તેવું ગ્રહણ કરે.
સમાજકલ્યાણકારી માનવતાનાં કાર્યો અનુકંપાદાનમાં આવે છે, તેની સંમીક્ષા આગળ આવશે. વળી અનુકંપાદાન કરતાં સુપાત્રદાન ઊંચું છે. સાચાં માનવતાનાં લાખ કામ કરો ને સુપાત્રદાનનું એક કામ કરો તો તે બેના ફળમાં જમીન-આસમાનનો ફેર છે, એક જ સુપાત્રદાનનું ફળ કંઇગણું વધી જશે.
અરે ! સુપાત્રદાનમાં પણ હજારો સુશ્રાવકની ભક્તિ કરો અને તેની સામે એક સદ્ગુરુની ભક્તિ કરો, તો તેના ફળની તુલના-સરખામણી જ ન થાય. એવી જ રીતે હજા૨ સદ્ગુરુની ભક્તિ કરો અને તેની સામે પરમાત્માની ભક્તિ કરો તો એ બંનેના ફળની તુલના પણ થાય જ નહીં, એટલે કે ફળમાં બહુ મોટો તફાવત આવે. ભક્તિ કરતી વખતે વ્યક્તિનું ગુણની અપેક્ષાએ મૂલ્યાંકન કરવાનું છે.
સભા :- તમારી શિક્ષણ માટેની વાતો અમારે ગળે ઊતરતી નથી.
સાહેબજી :- શા માટે નથી બેસતી ? તમે પહેલાં તો આજનું શિક્ષણ નાસ્તિકતાપોષક છે, તે માનો છો ? આ શિક્ષણ ધર્મપોષક તો નથી જ, પણ તમે અમને આ શિક્ષણ ધર્મવિરોધી નથી, તે સમજાવી આપો તો અમે તેનું ખંડન બંધ કરીએ. પ્રભુએ ક્યાંય એમ નથી કહ્યું કે, સંસારમાં શ્રાવકે ભૌતિક જ્ઞાન ભણવું નહીં. અરે ! પુરુષને ૭૨ કળા અને સ્ત્રીને ૬૪ કળા ભણવાનું વર્ણન છે. અમે ભૌતિક િશક્ષણના વિરોધી નથી પણ આજનું આ આધુનિક શિક્ષણ જે નાસ્તિકતાપોષક છે, તેના જ અમે વિરોધી છીએ. પ્રભુ આદિનાથે જ સ્ત્રીઓની ૬૪ કળા અને પુરુષોની ૭૨ કળા પોતાનાં પુત્ર-પુત્રીઓને શીખવી. આ બધી જ કળાઓની સ્થાપના પ્રભુએ પોતે જ ગૃહસ્થપણામાં કરી છે.
deeseen eved
0.
૨૮
૭૭૭૭૭૭૭૭૯
લોકોત્તર દાનધર્મ “અનુકંપા”