________________
સાહેબજી :- અમારા સદ્ગુરુથી. અમને ધાર્મિક સંસ્કારી માબાપ અને સદ્ગુરુ ન મળ્યા હોત તો અમે પણ ક્યાંક રખડતા હોત. તમે પણ જે વસ્તુ જેવી છે તેવી સમજતાં શીખો.
ભગવાનની આજ્ઞા મુજબ અનુકંપાદાન કેવું હોય તે સમજો, વળી ભગવાનની આજ્ઞા મુજબના સુપાત્રદાન(સાતક્ષેત્ર)ની તોલે આજ્ઞા મુજબનું અનુકંપાદાન પણ આવે નહીં.
સભા ઃ- અભયદાન ઊંચું ખરું કે નહીં ?
સાહેબજી :- ચોક્કસ, અભયદાન ઊંચું પણ તેના કરતાં કોઈને જીવનમાં સાચી દૃષ્ટિ આપો તો તે વધારે ઉત્તમ દાન છે. તીર્થંકર ભગવાન જ્ઞાનદાન દ્વારા આખા જગતનાં દુઃખ-દર્દ કાપે છે, પાત્રજીવોને શાશ્વત સુખ આપે છે. માટે અભયદાન કરતાં પણ સમ્યગ્નાનદાન ઘણું ઊંચું છે, જે આ દાન આપી શકે તેનો ઉદ્ધાર નક્કી જ છે.
સભા:- અમારો છોકરો સારા માર્ક્સ સાથે પાસ થઈને આવે ત્યારે હરખાવાય? સાહેબજી :- આવા વખતે તમે હરખાઓ તો મિથ્યાજ્ઞાનની અનુમોદના લાગે. તમારે કહેવું જોઈએ કે આ ભણતર સાચું નથી, અને તેમાં આવતી વાતો બુદ્ધિમાં સત્ય તરીકે બેસી જશે તો ઘોર પાપ બંધાશે. સાથે તેને આપણા સમ્યજ્ઞાનની પણ સમજ આપવી જોઈએ. જૈનશાસનને પામેલાએ આ વિવેક કરવાનો છે.
સભા:- એલોપેથી કઈ રીતે ખરાબ છે ?
સાહેબજી :- એલોપેથીમાં પંચેન્દ્રિયાદિની હિંસા આદિ અનેક પ્રશ્નો છે. અરે ! માનવતાની દૃષ્ટિએ પણ ઘણું જ શોષણ છે. એલોપેથીના નામે અબજો રૂપિયાની આયુર્વેદિક ઔષધીઓ કાચા માલ તરીકે પાણીના ભાવે વિદેશમાં જાય છે, અને પછી તેમાંથી પ્રોસેસ કરીને બનાવાયેલી પ્રોડક્ટ્સ ૨૦૦-૪૦૦ ગણા નફા સાથે Multinational companies (બહુરાષ્ટ્રીય કંપનીઓ) વેચે છે. આમાં ત્રીજા વિશ્વની ગરીબ પ્રજાનું ઘણું શોષણ થાય છે. અમે એમ ને એમ બોલવા ખાતર નથી બોલતા. જો આ બધાં સત્કાર્ય હોય અને તેને અમે નિંદીએ તો અમને પાપ લાગે. આજના શિક્ષણ અને એલોપેથી દવાઓ દ્વારા જો પ્રજાનું હિત થતું હોય અને અમે ના પાડીએ તો અમને ભયંકર અંતરાયો બંધાય. આ વિષય પર તો ૧૦ પ્રવચનો આપીએ તો પણ ઓછાં પડે. અત્યારના શિક્ષણમાં વિજ્ઞાનની જેમ ઇતિહાસ-ગણિત
લોકોત્તર દાનધર્મ “અનુકંપા”
૨૦