________________
નાસ્તિક બનાવવાના ઉદ્દેશવાળું જ આજનું શિક્ષણ છે. આ શિક્ષણ એ ઉદેશથી જ મૂક્યું છે કે આ દેશમાં મંદિરો રહેશે પણ તેને માનનારા નહિ રહે. પરંતુ તમે . અત્યારે એની સામે બીજું તો કંઈ જ કરી શકો તેમ નથી, પરંતુ તે ક્ષેત્રમાં દાનધર્મની બુદ્ધિથી પૈસા તો અપાય જ નહિ.
સભા:- ઉપાય શું?
સાહેબજી - તમે ખોટા કામમાંથી ખસી જાઓ, હિસ્સેદાર ન બનો. અત્યારે અહીંયાં બેઠેલામાંથી કોઈ પણ શિક્ષણક્ષેત્રે નેશનલ કે ઈન્ટરનેશનલ લેવલે કંઈ કરી શકો તેમ નથી. અત્યારે આટલો ભ્રષ્ટાચાર વધ્યો છે, માણસ.નાસ્તિક બન્યો છે, નાસ્તિકતા કેમ આવી છે? આજનું શિક્ષણ જ આને માટે જવાબદાર છે. તેમાં નાસ્તિકતાપોષક ભયંકર ટાઇમ બોંબ છે. શાસ્ત્ર કહે છે કે એક જીવતા માણસને મારી નાંખવામાં જેટલું પાપ નથી, તેના કરતાં કંઈ ગણું અંબિક પાપ તેને આસ્તિકમાંથી નાસ્તિક બનાવવામાં છે. આ એક મહાપાપ છે. આથી જ આ ક્ષેત્રમાં દાન આપવું ભયંકર છે. એક વ્યક્તિને સજ્જનમાંથી દુર્જન બનાવવાનો આ ઢાંચો છે. જો તમારો દીકરો નાસ્તિક બનશે તો તેનો આ ભવ બગડશે અને પરલોકમાં ભવોભવ બગડશે.
દ્રવ્યહિંસા કરતાં ભાવહિંસા વધારે ખરાબ છે. હું સ્પષ્ટતા સાથે કહું છું કે કતલખાનામાં દયાબુદ્ધિથી દાન આપવું જેટલું ભયંકર છે, તેના કરતાં અધિક ભયંકર આજના આ શિક્ષણક્ષેત્રમાં દાન આપવું તે છે. અમે ઠંડા મગજથી, શાંતિપૂર્વક, ગંભીરતાથી વિચારીને, શાસ્ત્રના અનેક તર્કોને apply કરીને-લગાડીને બોલીએ છીએ. છતાં અત્યારે અમને કોઈ આમાં ભૂલ સમજાવી શકે તો સમજવા પણ તૈયાર છીએ.
અત્યારે લાખો સંતો બ્રહ્મચર્ય પાળે છે, ત્યારે કુમળા બાળકોને શિક્ષણમાં ભણાવાય છે કે, “અબ્રહ્મ કુદરતી છે.” આ વિધાન આડકતરી રીતે સંતોના જીવન ઉપર મહાઆક્ષેપરૂપ છે. પ્રારંભથી જ બાળકના માથામાં આવું ભરવામાં આવે છે. હું જે સ્કૂલ-કોલેજમાં ભણ્યો છું, તેમાં ભણાવાતી બધી જ વાતો જો મનમાં બેસી હોત, તો હું એક નંબરનો નાસ્તિક જ હોત. પરંતુ અમને આ બધી વાતો બરાબર બંધબેસતી ન લાગી, તેથી જ અમે બચી ગયા.
સભા:- તમારું પરિવર્તન કેમ થયું?
૨૬
લોકોત્તર દાનધર્મ “અનુકંપા