Lokottar Dandharm Anukampa

SR No.: 005875
Original Sutra Author: N/A
Author: Yugbhushanvijay
Publisher: Gitarth Ganga
Publication Year: 2003
Total Pages: 290
Language: Gujarati
Classification: Book_Gujarati
File Size: 19 MB

Page 33

અશાંતિ કરો તે ન ચાલે. માનવદયાની બુદ્ધિથી આયુર્વેદિક હોસ્પિટલ ખોલો તો વાંધો નથી. જોકે આયુર્વેદના ઉપચારમાં પણ હિંસા તો થશે, પણ પેલા ક્ષેત્ર જેવી નહીં. અમને કંઈ એલોપેથી પ્રત્યે પૂર્વગ્રહ નથી. પરંતુ મેડીકલ રીસર્ચના રિપોર્ટ વાંચો તો ખબર પડે. રીસર્ચના નામે ૧ વર્ષમાં ૧ કરોડ પશુઓ એક જ દેશમાં મરાય છે, બીજા દેશોની હત્યા જુદી. વળી આ રીસર્ચો કેટલાંય વર્ષોથી ચાલતી હોય છે, પાછી દવા તો જ્યારે શોધાશે ત્યારે. અત્યાર સુધીમાં કેન્સરની દવા માટે કરોડો ને કરોડો પશુઓની હત્યા થઈ ચૂકી છે. તેમાં કસાઈ કરતાં ભયંકર રીતે પશુઓને મારે છે. કસાઈ તો એક ઝાટકે મારે છે, જ્યારે આ તો રિબાવી રિબાવીને મારે છે, તો પણ આ કામને માનવતામાં ખપાવવામાં આવે છે. દવાઓ શોધાય છે, ડૉક્ટર્સ તૈયાર થાય છે, હોસ્પિટલ વગેરે બને છે; આ બધાને સત્કાર્ય કહેવાય નહીં. આ તો આર્યદેશની માનવતામાં પણ ન આવે, તો તેને અનુકંપાદાન તો કેમ કહેવાય?
આજના શિક્ષણમાં પાંચ રૂપિયાનું પણ દાન આપવું તે પાપ છે. અત્યારે ઉપાશ્રયોમાં સ્કૂલનાં પાઠ્યપુસ્તકો, નોટબુકો, સ્કોલરશીપ વગેરે અપાય છે તે. બરાબર નથી.
સભા:- કેવી રીતે પાપ છે? .
સાહેબજી - અત્યારે સમાજ જે નાસ્તિક બન્યો છે, તેનું મૂળ કારણ આજનું નાસ્તિક શિક્ષણ છે. નાનાં છોકરાંઓને સ્કૂલોમાં આત્મા નથી, પરલોક નથી વગેરે ભણાવાય છે. વળી ડાર્વિનની થિયરી, બાયોલોજી, કેમીસ્ટ્રી દ્વારા પણ આવું જ ભણાવાય છે. વળી જે ભણાવે છે તેને તેઓ પુરવાર કરી શકતા નથી. દા.ત. ચાર અબજ વર્ષ પહેલાં પૃથ્વી ઉત્પન્ન થઈ. નાસ્તિકતાના પ્રબળ કારણભૂત વાતો ભણાવાય છે ! સત્ય વસ્તુ ભણાવવા સામે અમને વાંધો નથી. .
જૈનોમાં અત્યારે કેટલા ડૉક્ટર છે? તેમાં શ્રદ્ધાળુ કેટલા? ૯૫% ડૉક્ટરને નાસ્તિક કોણે બનાવ્યા? માબાપે કે વારસાએ નાસ્તિક બનાવ્યા નથી, પણ આ શિક્ષણે નાસ્તિક બનાવ્યા છે. અત્યારે હાઈસ્કૂલમાં છોકરાઓને “sex is natural instinct” એવું ભણાવાય છે. બાળકોને sexology વિષય ભણાવાય છે. જેમાં અબ્રહ્મ એ કુદરતી છે, આવું મગજમાં ઠસાવાય છે. પછી તેઓ બ્રહ્મચર્યને કુદરતી ન જ માને. આ છોકરાઓ સાધુને કઈ દષ્ટિથી જુએ?
સભા - સત્ય સમજવા ક્યાંય પણ સ્કૂલો તો જોઈએ જ ને? *
૨૪
લોકોત્તર દાનધર્મ “અનુકંપા”