________________
આવી સરસ આરાધના કરે છે. તેમણે ગયા ભવમાં પણ સુંદર આરાધના કરી હશે તેથી આવો ઉત્તમ ભવ મળ્યો છે, અને આ ભવની આરાધનાથી તેમનો આવતો ભવ પણ સફળ થશે. જ્યારે મેં તો ગયા ભવમાં કાંઈ સુકૃત નહિ કર્યું હોય જેથી આ ભવમાં પણ કાંઈ પામ્યો નથી, અને જો અત્યારે કાંઈ ધર્મ નહિ કરું તો મારો આવતો ભવ પણ બરબાદ થશે. આવા શુભ વિચારવાળા તેને સંયમ પ્રત્યે અત્યંત બહુમાન છે, તેને જો આવું પવિત્ર જીવન મળી જાય તો રાજી થઈ જાય તેમ છે.
સભા :- આગલા ભવના સંસ્કાર કામ કરે ખરા?
સાહેબજી :- હા, થોડા સંસ્કાર કામ કરે ખરા. તે આગલા ભવમાં ધર્મ કરતો હતો પણ મોક્ષમાર્ગની પ્રાપ્તિ નહોતી થઈ. પરંતુ આ ભવમાં આગલા ભવના કરેલા ધર્મથી તેને ધર્મ કરવા માટે જે અલ્પ સામગ્રી મળી તે તેને પુણ્યાનુબંધી પુણ્ય બંધાવનારી થઈ. આ ભવમાં તેને વૈરાગ્ય ને વિવેક હતો તેથી અનુબંધ પુણ્યનો પડ્યો.
,
,
,
,
,
,
લોકોત્તર દાનધર્મ “અનુકંપા”
૨૩૩