________________
તા. ૧૯-૮-૯૪, શુક્રવાર
અનંત ઉપકારી, અનંત જ્ઞાની શ્રી તીર્થંકર પરમાત્મા સદ્ધર્મની રુચિ કરાવવા આ ધર્મતીર્થની સ્થાપના કરે છે.
રુચિ - અનુબંધની આધારશિલા :
જેણે પણ ધર્મની સાધનાનો સાચો પ્રારંભ કરવો હોય તેણે પહેલાં ચચિ બદલવી પડશે. સાચી રુચિ આવ્યા પછી જ સમ્યફ પ્રવૃત્તિ કે સમ્યફ પરિણતિ આવે છે.
જેમ તમારી સામે ગમે તેટલી સ્વાદિષ્ટ વાનગી હોય, પણ ખાવાની રુચિ ન હોય અને કોઈ પરાણે ખવડાવે તો શું થાય ? અરુચિપૂર્વક ખાઓ તો ખાતી વખતે મજા ન આવે અને ખાધા પછી શારીરિક લાભ નથી મળતો, ઊલટું અજીર્ણ થાય છે. જેમ હિતકારી ભોજનમાં રુચિ ને ભૂખ આવશ્યક છે; કારણ કે રુચિપૂર્વક કરેલું ભોજન જ હિતકારી બને છે, તેવી જ રીતે ધર્મરૂપી ભોજન આત્મા માટે પણ હિતકારી ત્યારે જ બને કે જયારે જીવને આ ધર્મરૂપી ભોજન માટે તીવ્ર રુચિ ઉત્પન્ન થાય. અમારે લાયક શ્રોતાવર્ગને વારંવાર ઉપદેશ પણ એટલા માટે જ આપવાનો છે કે જેથી તેને ધર્મ પ્રત્યે સાચી રુચિ પેદા થાય. જેમ ભોજનની રુચિ થયા પછી કોઈપણ જીવ ભરેલ ભાણે ખાધા વગર રહેવાનો જ નથી, તેમ જેને ધર્મ પ્રત્યે સાચી રુચિ પેદા થશે તે શક્તિ અનુસાર ધર્મ કર્યા વગર નહીં જ રહે. આમ, રુચિ એ ધર્મનો પાયો જ છે. વળી જેને ધર્મ ગમે તેને અધર્મ ન જ ગમે, પુણ્ય ગમે તેને પાપ ન જ ગમે ને ગુણ ગમે તેને દોષ ન જ ગમે.
ધર્મ આરાધનાની શરૂઆત સુકૃતની અનુમોદના અને દુષ્કૃતની ગર્તાથી કરવાની છે. પોતે કરેલા સુકૃતની અનુમોદના કરવાની છે તેમ બીજાએ કરેલા સુકૃતની પણ અનુમોદના અને પ્રશંસા કરવાની છે. પોતાના કરેલા દુષ્કૃતની નિંદા અને ગર્તા કરવાની છે, જ્યારે જગતમાં ફેલાયેલા દુષ્કતોની અરુચિ કરવાની છે; પરંતુ તે
૨૩૪
લોકોત્તર દાનધર્મ “અનુકંપા
