Lokottar Dandharm Anukampa

SR No.: 005875
Original Sutra Author: N/A
Author: Yugbhushanvijay
Publisher: Gitarth Ganga
Publication Year: 2003
Total Pages: 290
Language: Gujarati
Classification: Book_Gujarati
File Size: 19 MB

Page 241

શુભભાવ પામશો ને થોડું પુણ્ય પણ બાંધશો, જે ભવિષ્યમાં સારી ધર્મસામગ્રી અપાવશે. આમાં બહુ દીર્ઘ દૃષ્ટિકોણ છે.
અનુબંધનું વિશ્લેષણ તમને ધર્મમાં આગળ વધારવા માટે કરીએ છીએ, તમે શુદ્ધધર્મ પામો તે માટે આ બધી ટકોર છે. કલ્યાણ માટે જે કડી ખૂટે છે તે મેળવવાનો. પ્રયત્ન કરવાનો છે. જરા હિત માટે ટકોર કરીએ તો નકરાત્મક વલણ ન લેવાય.
એકલા પુણ્યબંધનું બહુ મહત્ત્વ નથી પણ સાથે પુષ્યઅનુબંધ હશે તો હજારો ગણું ફળ મળશે. તેથી જ અનુબંધનું મૂલ્ય વધારે છે. તમને થોડી મહેનતમાં વધારે ફળનો ધંધો બતાવું છું. અમે તમને ધર્મમાંથી પાછા ફરવાનું નથી કહેતા, પરંતુ . નાના સરખા પણ ધર્મથી બેડો પાર થઈ જાય, તેવું બતાવીએ છીએ. .
સભા:- ધર્મ ક્વોલીટી-ગુણવત્તાવાળો જોઈએ.
સાહેબજી:- હા, ક્વોલીટી જોઈએ. થોડો પણ વૈરાગ્ય ને વિવેક ભેળવશો તો નાનો પણ ધર્મ ઊંચી ક્વોલીટીનો થશે. તીર્થકરના આત્માઓ પણ શરૂઆતમાં આવી રીતે જ આગળ વધ્યા હતા. તેમણે સીધો જ કાંઈ મોટો ધર્મ નહોતો કર્યો.
સંગમને ખીર વહોરાવતાં થયેલા પરિણામ :
' ,
સંગમ(શાલિભદ્રના જીવે) જ્યારે મહાત્માને ખીર વહોરાવી તે વખતે પુણ્યનો અનુબંધ પાડ્યો. શાલિભદ્ર તેમના આગલા ભવમાં જ્યારે બાળક હતા ત્યારે તેમને મહાત્મા પ્રત્યે અત્યંત બહુમાન છે, તેમનામાં આંશિક વૈરાગ્ય ને વિવેક પણ છે. તે વખતે તેઓ યોગની બીજી દષ્ટિમાં છે. તેમની આજુબાજુ ઘણા શ્રીમંતો વસતા હતા, પરંતુ તેની મા ગરીબ છે ને ઘરકામ કરીને ગુજરાન ચલાવે છે. આમ તો પોતે વેપારી કુળનો છોકરો છે, પણ પાપના ઉદયથી ગરીબ થઈ ગયો છે, તેથી તે ઢોર ચરાવવાનું કામ કરે છે. આજુબાજુ મોટા શ્રીમંતો વસતા હોવા છતાં આ બાળક પર તેમની શ્રીમંતાઈની કોઈ છાયા નથી. તેને સત્તા-સંપત્તિ પ્રત્યે એવો આદર કે બહુમાનનો ભાવ નથી જેવો ત્યાગ ત્યાગી મહાત્મા પ્રત્યે બહુમાનનો ભાવ છે. આ બાળક જ્યાં ઢોર ચરાવવા જાય છે, ત્યાં આ મહાત્મા કે જે તેને ઘરે વહોરવા આવેલા છે, તેમને દરરોજ કાઉસ્સગ્નધ્યાનમાં ઊભેલા જુએ છે. તેમની મુદ્રા અત્યંત પ્રશાંત નિર્વિકારી દેખાય છે, તેથી તેમનું સાંનિધ્ય આ બાળકને ખૂબ ગમે છે અને તેથી જ તેમની બાજુમાં બેસી રહે છે અને વિચારે છે કે “આમનું જીવન ધન્ય છે કે જે
૨૩૨
લોકોત્તર દાનધર્મ “અનુકંપા”