________________
છે. ૧૬-૮-૯૪, મંગળવાર.
અનંત ઉપકારી, અનંત જ્ઞાની શ્રી તીર્થંકર પરમાત્મા, ભવ્ય જીવો ઉચ્ચતમ પુણ્યના સ્વામી બને તેના ઉપાયોને સમ્યગ રીતે બતાવવા આ ધર્મતીર્થની સ્થાપના કરે છે. '
જેને પણ આત્મકલ્યાણ કરવું હોય તેને પુણ્યની આવશ્યકતા રહેવાની. ભૌતિક સામગ્રી પામવા માટે પણ પુણ્ય આવશ્યક છે. તમારા ભૂતકાળમાં બાંધેલા પુણ્યથી જ તમને આ મનુષ્યભવ મળ્યો છે, બધા જીવોને કાંઈ આવો ભવ મળ્યો નથી. આપણને આંખ, કાન, નાક બરાબર મળ્યાં છે, જયારે ઘણા મનુષ્યો જન્મથી જ આંધળા, બહેરા, લૂલા, લંગડા હોય છે. આપણને નીરોગી દેહ મળ્યો, આયુષ્ય પણ લાંબુ મળ્યું, પાછા લોકોત્તર દેવ-ગુરુ-ધર્મનો યોગ મળ્યો ને ધર્મઆરાધના માટે મન-વચન-કાયાની શક્તિ મળી, આ બધો પુણ્યનો જ પ્રતાપ છે. આ સાધનસામગ્રી પામ્યા વગર સરળતાથી મોક્ષની સાધના કરી શકાતી નથી.
ધર્મસામગ્રી અપાવે તેવું પુણ્ય જુદું અને ભૌતિક સામગ્રી અપાવે તેવું પુણ્ય પણ જુદું. સાંસારિક પુણ્યની વિશેષતા એ છે કે તે સંસારમાં ખાલી ભોગસામગ્રી અપાવે છે, જેમ કે ગાડી-વાડી-મોજમજાનાં સાધનો-સત્તા વગેરે. જે પાપ કરવાનાં સાધનો મળ્યાં છે, શક્તિ-સગવડતા મળી છે, આ બધામાં પણ પુણ્ય જ કારણ છે. તે જ રીતે ધર્મસામગ્રીની પ્રાપ્તિમાં પણ પુણ્ય જ કારણ છે. પુણ્યની શક્તિ એટલી પ્રબળ અને સર્વવ્યાપી છે કે તેના વિના ભૌતિક ક્ષેત્રે કે ધાર્મિક ક્ષેત્રે પણ એક પણ સારી ચીજ મળી શકતી નથી :
આ ભૌતિક ક્ષેત્રે કે ધાર્મિક ક્ષેત્રે જે કંઇપણ સારી સામગ્રી મળી છે, તે પુણ્યથી મળી છે અને તેની સામે ભૌતિક કે ધાર્મિક ક્ષેત્રે જે આડખીલી-તકલીફો-પ્રતિકૂળતા
લોકોત્તર દાનધર્મ “અનુકંપા”
૧૯o