Lokottar Dandharm Anukampa

SR No.: 005875
Original Sutra Author: N/A
Author: Yugbhushanvijay
Publisher: Gitarth Ganga
Publication Year: 2003
Total Pages: 290
Language: Gujarati
Classification: Book_Gujarati
File Size: 19 MB

Page 172

પૂછે, ચા-પાણી પીવડાવે; જ્યારે તમારે ત્યાં તો આવું કાંઈ નથી, બસ, ખાલી ઉપદેશ જ આપો છો.’
· અમે સંસારીઓ સાથે બીજો કોઈ સંબંધ રાખ્યો નથી. અમારે તમારી સાથે ફક્ત ધર્મનો સંબંધ છે. અમે ધર્મગુરુના નાતે હિતશિક્ષા કે કર્તવ્યરૂપે બધી ભૂમિકાનો ઉપદેશ આપીએ. જો જૈન મુનિ શાસ્ત્ર ભણીને બોધ પામેલો હોય, તો તે પ્રસંગે તમને સંસારમાં માબાપ સાથે, પત્ની સાથે, દીકરા સાથે કેવો વ્યવહાર કર્તવ્ય તેનો પણ ઉપદેશ આપે, છતાં તમારા જીવનવ્યવહારમાં અમારે ક્યાંય પડવાનું નથી. અમે સંસારીઓથી જેટલા અલિપ્ત રહીએ તેટલા જ અમારા આચાર સચવાય. ભગવાને જે ત્યાગ કરવા લાયક કહ્યું હોય તેનો જ અમે ત્યાગ કર્યો છે. અમને સંસાર અસાર-ખરાબ લાગ્યો માટે જ છોડ્યો. તો પછી અમારે તમારી સંસારની બાબતોમાં માથું શું કામ મારવું જોઈએ ? છતાં તમારાં હિત-અહિત શેમાં છે તેનો ઉપદેશ આપવાનું પ્રભુએ કહ્યું છે. પરંતુ તમારી પ્રવૃત્તિમાં પડવું નહિ, કરવું-કરાવવું નહિં, અનુમોદવું નહિ અને એવા ભાવ પણ કરવાના નહિ. કારણ અમારો ધર્મ અનારંભનો છે.
તમને અશુભારંભમાંથી બહાર કાઢવા ભગવાને શુભારંભ બતાવ્યો છે. પણ જે જીવ સંપૂર્ણ અનારંભમાં જઈ શકતો હોય તેને શુભારંભ પણ કરવાનો નથી. અમારી પાસે ગમે તેવો ધર્માત્મા શ્રાવક આવે, તો પણ અમારે તેનું આતિથ્ય-સરભરા કરવાની નથી. ઘણા ગુણિયલ ધાર્મિક આરાધક ગૃહસ્થો હોય છે, તેની પણ સારસંભાળ:કરવાની અમને જિનાજ્ઞા નથી. જ્યારે ઇતર ધર્મના સંન્યાસી અતિથિને દેવ માની.જમાડે, ખબર અંતર પૂછે. એમના સંન્યાસીઓએ આરંભ-સમારંભવાળી ‘અનેક પ્રવૃત્તિઓ ધર્મ તરીકે અપનાવી છે.
તમે જૈનશાસનમાં જન્મ્યા છો તેથી સાધ્વાચાર જોઈ જોઈને ટેવાઇ ગયા છો, પણ તેનાં રહસ્યો સમજવાં જોઈએ. જૈનશાસનનું સામાયિક, તેના વિશુદ્ધ પરિણામો અને તેમાં આવતો પાપનો અનુપમ ત્યાગ તે બધું જ સમજો, તો શુભ પ્રવૃત્તિ પણ હિંસામય હોવાથી અમે તેનો ત્યાગ કર્યો છે, તે વાત તરત ગળે ઊતરી જશે.
સભા :- શિબિરમાં અલ્પાહાર અપાય ?
સાહેબજી :- તેમાં સાધુ આયોજન ન કરે અને શ્રાવકો આયોજન કરી શ્રાવકની સાધર્મિકભક્તિ કરે તો તે યોગ્ય છે. આ બધો શ્રાવકનો ધર્મ છે. અત્યારે તમારે
લોકોત્તર દાનધર્મ “અનુકંપા”
૧૬૩