________________
બ
તા. ૧૧-૮-૯૪, ગુરુવાર.'
અનંત ઉપકારી, અનંત જ્ઞાની શ્રી તીર્થંકર પરમાત્મા સમ્યગુ તત્ત્વનો બોધ , કરાવવા ઉત્સર્ગ અને અપવાદમય આ ધર્મતીર્થની સ્થાપના કરે છે. "
અનારંભી મુનિ આરંભયુક્ત અનુકંપા કરે નહિ અને કરાવે પણ નહિ: .
આરાધના માટે ઉત્સર્ગ એ રાજમાર્ગ છે. સામાન્ય સંયોગોમાં હિતકારી આચાર . તે ઉત્સર્ગ માર્ગ છે. ઉત્સર્ગથી સાધુધર્મ અનારંભ સ્વરૂપ છે. જૈનશાસનમાં આરંભની અપેક્ષાએ જીવોની ત્રણ કક્ષા બતાવી છે. (૧) અશુભારંભી (૨) શુભારંભી અને (૩) અનારંભી.
(૧) સંસારમાં તમે તમારા સ્વાર્થ માટે કે અનુકૂળતા માટે જે આરંભ-સમારંભહિંસા આદિ કરો છો, તે બધો અશુભારંભ છે. તમામ મોજશોખ તથા સામાજિક વ્યવહારોમાં કે બધાં જ સાંસારિક કામોમાં, જેમ કે બંગલો બંધાવો, ગાડીઓ ફેરવો વગેરેમાં હિંસા જ હિંસા છે. દરેક સાંસારિક પ્રવૃત્તિમાં જીવો મરતા જ હોય છે. આ બધો અશુભારંભ છે. (૨) જ્યારે ધર્મમાં કરાતો શાસ્ત્રાનુસારી આરંભ-સમારંભતે શુભારંભ છે. તમે ઘરમાં જે વાનગી બનાવીને ખાઓ છો, તે તમારા મોજશોખસ્વાદ માટે છે. જયારે તમે સાધર્મિકને જમાડવા વાનગી બનાવો છો, ત્યારે તમને અશુભભાવ નથી હોતા. તેથી તેમાં જે આરંભ-સમારંભ થાય તે શુભારંભ છે. (૩) જયારે સાધુનો ધર્મ અનારંભ છે. તેમાં મૂળથી જ આરંભ-સમારંભ નથી. જગતમાં કોઈ ધર્મની મુનિચર્યામાં આવો આચાર નથી. અન્ય ધર્મોના સંન્યાસીના આચારોમાં પણ ડગલે ને પગલે આરંભ-સમારંભ સમાયેલો છે. તેઓના શાસ્ત્રમાં લખ્યું છે કે “અતિથિ દેવો ભવ.” તેથી કોઇપણ ગૃહસ્થ આવે તો તેની સરભરા તેના સંન્યાસી જ કરે. સ્વામીનારાયણના એક ભાઈ વ્યાખ્યાન સાંભળવા આવતા. તેઓ એક દિવસ મને કહે કે “સાહેબ, અમારા મહારાજ તો કોઇપણ આવે તો ખબર-અંતર
૧૬૨
લોકોત્તર દાનધર્મ “અનુકંપા