________________
તમે જાતે જરૂર પડે તો ૨૫ વાનગી ખાઓ, શરબત પણ પીઓ અને જ્યારે બીજાને પાણી પીવડાવવાનું આવે ત્યારે જ હિંસા ગણો, તો પછી તમે સ્વાર્થી બની જશો. તેથી જ રોજિંદી હિંસા જે કોમન છે ને લાંછનરૂપ નથી, તેવી જ હિંસાથી થતો ધર્મ શ્રાવકે કરવાનો છે. નહીંતર વિવેક ચૂકી ગયા કહેવાશો.
સભા ઃ- ધાર્મિક સાધન-સામગ્રી પ્રભાવનામાં અપાય ?
સાહેબજી :- બને ત્યાં સુધી ધર્મમાં સ્વદ્રવ્ય જ ઉપયોગમાં લેવાનું છે. કારણ કે દરેક વ્યક્તિએ ધર્મ પોતાના આત્મકલ્યાણ માટે કરવાનો છે, ઉલ્લાસથી પોતાની સ્વયંની વસ્તુના બલિદાનથી કરવાનો છે. બીજાના પૈસાથી ધર્મ કરશો તો ધર્મ ચેરિટી ઉપર નભે છે, તેવો ભાવ થઈ જાય. વળી પ્રભાવના કરવાની છે તે ભક્તિ માટે કરવાની છે. સાચી ભક્તિ ક્યારે થઈ ગણાય કે જો લેનારની અનુકૂળતા પોષાય તો. ધારો કે મારું માથું દુખતું હોય અને તમે આવીને દાબો પગ તો સાચી ભક્તિ નહિ થાય. તેથી જ સાર્મિકની અનુકૂળતા પોષક વસ્તુ આપવી જોઈએ. અમને પણ ઉપયોગી હોય તેવું વહોરાવો તો જ અમારી પણ ભક્તિ ખરી કહેવાય.
પ્રભાવના કરતી વખતે ભાવ એ જ કરવાનો કે સાધર્મિકને કેમ વધારે અનુકૂળતા થાય, તેમ જ તેની સરભરા કેમ સારી રીતે થાય. તે વખતે હિંસાનો વિચાર કરાય જ નહીં. પરંતુ જે સાધર્મિક એવા નબળા છે કે જે સ્વદ્રવ્યથી ધર્મ કરી શકે તેમ નથી અને તેમને ધર્મમાં ચડાવવાના છે, તેવાને ધાર્મિક સામગ્રી આપો તો પણ બરાબર
છે.
સભા - અજૈનને નોકરી આપણે ત્યાં અપાય ?
સાહેબજી :- કયા ભાવથી આપવી છે ? દયાના ભાવથી કે તમને ઉપયોગી છે
તેથી? તમારી સગવડતા કે જરૂરિયાત માટે આપો તો તે વ્યાવસાયિક પ્રવૃત્તિ છે. પરંતુ તેનામાં ઓછી આવડત હોય તે છતાં આજીવિકા પ્રદાન માટે રાખો તો દયાદાન કહેવાય. પણ તેમાં પણ આપણી ત્રણ શરત ન હોય તો લૌકિક દયા-દાન કહેવાશે.
Deededenly abousGoose
A
લોકોત્તર દાનધર્મ “અનુકંપા”
૧૧૫
