Lokottar Dandharm Anukampa

SR No.: 005875
Original Sutra Author: N/A
Author: Yugbhushanvijay
Publisher: Gitarth Ganga
Publication Year: 2003
Total Pages: 290
Language: Gujarati
Classification: Book_Gujarati
File Size: 19 MB

Page 123

પણ મને પાપ જ લાગે. મારા માટે આ વાજબી ન જ કહેવાય. ભૂમિકા પ્રમાણે ધર્મઅધર્મનો ભેદ છે, તેમાં ભેળસેળ કરાય નહિ.
સાધુને શુભારંભમાં કરણ-કરાવણની જરા પણ છૂટ નથી. હા, સાધુ સમ્યજ્ઞાનની પ્રભાવના કરી શકે પણ મિથ્યાજ્ઞાનની નહિ. જ્ઞાન પણ જો આરંભ સમારંભ માટે વપરાય તો અમારે ન અપાય. દા.ત. સાધુ જયોતિષવિદ્યા જાણતા હોય, તેથી દેરાસર બાંધવા માટે પાયો ખોદવાનું મુહૂર્ત કઢાવવા જો શ્રાવક આવે તો અમને મુહૂર્ત કાઢી આપવાની ના કહી છે, કારણ સીધો આરંભ-સમારંભ થશે. હા, તમે જોષી પાસે ખાતમુહૂર્ત કઢાવી આવો, પછી અમે સાચું છે કે ખોટું તે કહી આપીએ.
જ્યાં પણ સાક્ષાત્ હિંસાનો દોષ લાગે, ત્યાં અમારે જ્ઞાનનો ઉપયોગ કરવાનો નથી. કારણ કે અમે હિંસાથી થતા ધર્મમાં પણ કરણ-કરાવણ છોડ્યું છે, તેથી એ અમારો. ધર્મ નથી.
સભા:- સાધર્મિકને રોકડા રૂપિયા અપાય?
સાહેબજી:- તમે ઘરમાં નોકરને બક્ષિસરૂપે ૧૦૦-૫૦૦ રૂપિયા આપો તેમાં તમને વાંધો નથી હોતો, પણ સાધર્મિકને જ આપતાં તે મોજમજા કરી પાપ બાંધશે તેમ વિચારીને ન આપો તે બરાબર નથી. હા, તમારે કોઇપણ જાતની હિંસા જાત માટે ન કરવી-કરાવવી એવાં પચ્ચખ્ખાણ હોય તો પ્રભાવના પણ કરવી-કરાવવી નહિ. અરે! પછી તો પૂજા કરવાની પણ જરૂર નથી, કારણ તે તો સંવાસાનુમતિ શ્રાવક છે.
સભા:- અત્યારના કાળમાં તેવા શ્રાવક હોઈ શકે? ' સાહેબજી:- હા છે, મેં જાતે જોયા છે. સભા:- ગીઝર વગેરે ધર્મસ્થાનકોમાં વપરાય ?
સાહેબજીઃ- જેને ઘરમાં વાપરવું ગેરવાજબી કહીએ છીએ તેને ધર્મસ્થાનકમાં કઈ રીતે વપરાય? ઘરમાં બટાટા ખાતા હો તેથી કાંઈ સંઘજમણમાં ન જ ખવડાવાય. જૈન ગૃહસ્થને યોગ્ય રોજિંદી થતી હિંસાને જ ધર્મમાં લેવાની છે, પણ જે જૈનના જીવનમાં કલંકરૂપ ગણાય તેવી પ્રવૃત્તિ હોય તેવી ધર્મમાં ન જ કરાય. કોઈ સિગારેટ પીએ તેથી કંઈ તેની પ્રભાવના ન જ કરાય. જે હિંસા તમારા સાંસારિક જીવનમાં ગેરવાજબી નથી તેવી હિંસાથી થતો ધર્મ તમારી ભૂમિકામાં કરવો ઉચિત છે. .
૧૧૪
લોકોત્તર દાનધર્મ “અનુકંપા”