________________
S
IS
તા. ૪-૮-૯૪, ગુરુવાર
અનંત ઉપકારી, અનંત જ્ઞાની શ્રી તીર્થંકર પરમાત્મા દયામૂલક પરમધર્મની પ્રાપ્તિ કરાવવા આ ધર્મતીર્થની સ્થાપના કરે છે.
જૈનશાસનમાં ધર્મ પામવા માટે કૂણા માખણ જેવું કોમળ હૃદય જોઈએ. પોતાના જ દુઃખની અસર થાય અને બીજાના દુઃખની અસર ન થાય તેવો નઠોર ભાવ હૃદયમાં ન જોઈએ. ધર્મ પામવો હોય તો બીજા જીવો પ્રત્યે કોમળતાની ભાવના લાવવી જ જોઈએ. ધર્માત્મામાં સતત દયાના પરિણામ જોઈએ. જે જીવ સતત દયાના પરિણામને નથી જાળવી શકતો તે સારી રીતે ધર્મને નથી આચરી શકતો.. અનુકંપાનો વિવેકપૂર્ણ કરુણાનો પરિણામ એ છે કે “કોઈ જીવ પાપન કરો”
અંતરમાં બીજાનાં દુઃખ દૂર કરવાની ભાવના સતત જોઈએ. આ કરુણાનો પરિણામ ઊંચો અને વિવેકપૂર્ણ કેવી રીતે કરાય તે વિચારીએ.
પૂ.હેમચંદ્રસૂરિજીએ યોગશાસ્ત્રમાં કહ્યું છે કે દુઃખી જીવોનાં માત્ર દુઃખ-દર્દસંતાપ મટી જાય તેવું નથી વિચારવાનું. પરંતુ એમ વિચારવાનું કે આ બધાંને દુઃખો આવે છે તે તેમના પાપના ઉદયથી આવે છે તેથી દુઃખનું મૂળ સંસારમાં પાપ જ છે. માટે જ જો દુઃખના મૂળનો નાશ નહિ કરીએ તો ફરી દુઃખ આવવાનું જ છે. તેથી જેને પણ સાચા અર્થમાં દુઃખથી મુક્ત કરવો હોય તો તેને પાપમુક્તિ તરફ લઈ જવો જ પડે. જો તેને પાપમુક્તિ ન જોઈતી હોય તો તમે તેને કામચલાઉ દુઃખમાં રાહત આપી શકો, પણ દુઃખની ગર્તામાંથી બહાર નહિ કાઢી શકો. તેથી ભાવના જ એવી ભાવો કે કોઈ જીવ પાપ ન કરો. અમે પણ એવી જ ઇચ્છા રાખીએ છીએ કે, જો તમે પાપ નહિ કરો તો દુઃખી નહિ થાઓ. પાપ કરશો તો અમે તમને દુઃખથી છોડાવી નહિ શકીએ.
www
૧૧૬
લોકોત્તર દાનધર્મ “અનુકંપા”
