Page Text
________________
તો જરાપણ ભાવ-તાલ ન કરવા પરંતુ મોં માંગ્યા પૈસા આપવા. જેથી પ્રભુભક્તિમાં તમારી ઉદારતા જોઈને અહોભાવ થાય અને ધર્મ પામી જાય. તમે જ સ્વયં ધર્મ આરાધના કરીને કલ્યાણ પામો તેમ નહીં, પણ તમારા ધર્મથી બીજા ઘણા જીવો ધર્મ પામીને ઘણા જીવોની અહિંસા કરતા થાય, તે લક્ષ્ય પણ હોવું જોઈએ. ધર્મમાં હિંસા કરતી વખતે પરિણામે અહિંસારૂપે કેટલું વળતર મળે છે તે વિચારવાનું. આવી હિંસામાં ફળથી ઘણા જીવોની દયા-જયણા સમાયેલી છે, માત્ર અત્યારે જે જીવ મરે છે તે અનુકંપાના અંગ તરીકે મરે છે, તેથી તેની હિંસાને અહિંસાના સાધન તરીકે ઘટાવવાની છે, આ સ્વરૂપહિંસામાં પણ મહાઅનુકંપા આવશે. આ
વરઘોડો કાઢતાં કેટલા જીવોની વિરાધના થશે? રથ આવશે, પશુઓ આવશે, બેન્ડવાજાં આવશે, સાથે શણગારવા પુષ્પો આવશે, વાહનો ચાલશે, તેને જોવા લોકો દોડીદોડીને આવશે, તેથી નાના જીવોનો તો કચ્ચરઘાણ નીકળી જશે; આમ દેખીતી હિંસા થશે, પણ આ બધી ભવ્યતાથી જો એક લાયક જીવ ધર્મ પામી જાય તો શાસન પ્રત્યે તેને બહુમાનરૂપ બોધિબીજની પ્રાપ્તિ થાય અને તેના દ્વારા ભવાંતરમાં શાસન આરાધી પરંપરાએ અહિંસા ધર્મ એ પોતે આચરશે અને અનેકને પમાડશે.
સભા:- પ્લેનમાં જઈને ફોરેનમાં ઉપદેશ આપી શકાય?
સાહેબજી - પહેલાં એ બોલો કે ગૃહસ્થ મટે તમારો આ પ્રશ્ન છે કે સાધુ માટે? જો ગૃહસ્થ માટે હોય તો શાસ્ત્ર ભણીને બોધ પામેલો શ્રાવક ત્યાં જઈ લાયક જીવોને ધર્મ પમાડી શકે. અહીંયાંથી આપણા જ જૈનો ત્યાં સંપત્તિ વગેરે માટે સ્થળાંતર થઈને વસેલા છે, તેઓને પણ માતૃભૂમિ યાદ આવતી હોય છે. દેવ-ગુરુ-ધર્મની પણ જિજ્ઞાસા હોય છે. તેથી શ્રાવક જઈને ધર્મ પમાડી શકે તો તે સારું જ છે. પણ જો. સાધુ માટે આવી વાત હોય તો સાધુથી ન જ જવાય. પ્લેનમાં બેસવાથી અમારા આચારમાં અહિંસા રહેશે જ નહીં, જેનાં અમે પચ્ચખ્ખાણ લીધેલાં છે, તેનો જ ભંગ થશે. તમે જે ધર્મમાં હિંસા કરો છો, તે ધર્મ કરવાની પણ ભગવાને અમને ના પાડી છે. દેરાસર-ઉપાશ્રય બંધાવવાના તથા સાચવવાના પણ શ્રાવકે જ હોય છે. સાધુઓએ તો તેમાં રહીને ફક્ત આરાધના કરવી ને કરાવવી એટલું જ હોય છે. અમારે નિર્માણ, માલિકી કે વહીવટનો સવાલ જ નથી આવતો. ઉપાશ્રયમાં પણ અમે permission-પરવાનગી લઈને જ રહીએ છીએ. જઈએ ત્યારે શ્રાવકને ભળાવીએ છીએ. આરંભ-સમારંભ યુક્ત ધર્મની પ્રવૃત્તિઓનો પણ અમે ત્યાગ કર્યો છે. માટે અમારાં કર્તવ્યો જુદાં જ આવશે. ૧૦૨
લોકોત્તર દાનધર્મ “અનુકંપા”
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |