________________
લઘુ શાંતિ સ્તવ સૂત્ર
૮૩
પોતાની સ્યમયાત્રા સુંદર ચાલે તેમાં જ આનંદ ઉત્સાહ અને સંતોષ હોય છે. આમ છતાં ક્યારેક પ્રતિકૂળ પરિસ્થિતિ કે નબળા નિમિત્તો તેમના મનને વિહ્વળ બનાવી દે છે, ઉત્તમ મનોરથો પીંખી નાંખે છે અને શુભ સંકલ્પો ભાંગીને ભુક્કો કરી નાંખે છે. તેવા સમયે સ્મરણ કરાયેલ વિજયાદેવી અનુકૂળ વાતાવરણ ઊભું કરી સંયમી આત્માના ચિત્તને સંતોષ પમાડી તેમના મનને આનંદમાં રાખવાનો પ્રયત્ન કરે છે. તેથી તેઓને સંતુષ્ટિદા કહેવાય છે.
વળી, મુનિભગવંતોને દેવી પુષ્ટિ આપનારા છે. પુષ્ટિનો અર્થ વૃદ્ધિ છે. જ્ઞાનાદિ ગુણોની કે ધર્મ કાર્યોની વૃદ્ધિ દેવી કરે છે. જોકે આત્મામાં પ્રગટનારા આ ગુણોનો વિકાસ સાધકે સ્વયં કરવો પડે છે. તોપણ આ ગુણોના વિકાસમાં અમુક સામગ્રી, સંયોગો કે વાતાવરણ સહાયક જરૂર બને છે. દેવી આ સર્વ વસ્તુ પૂરી પાડી ગુણવિકાસમાં જરૂર સહાય કરે છે. જેમકે જ્ઞાનગુણના વિકાસ માટે જરૂરી સદ્ગુરુ, સગ્રંથ, સાનુકુળ વાતાવરણ વગેરે સર્વ પૂરું પાડવા દેવી શક્ય સર્વ પ્રયત્ન કરે છે. આ રીતે તેઓ સંયમી આત્માની ગુણવૃદ્ધિ કરનારા બને છે તેથી તેમને પુષ્ટિદા કહેવાય છે. નીયા: - (હે. જયા દેવી) ! તમો જય પામો.
છે જયાદેવી ! જે જે સત્કાર્યનો આપ પ્રારંભ કરો તેમાં તમોને પૂર્ણ સિદ્ધિ પ્રાપ્ત થાઓ ! કોઈ નબળા તત્ત્વોથી આપ ક્યારેય પરાજય ન પામો !” પરમ પૂજ્ય માનદેવસૂરીશ્વરજી મહારાજા આવા શબ્દો દ્વારા જયાદેવીને જય પામવાના આશીર્વાદ આપી રહ્યા છે.
અહીં પ્રશ્ન થાય કે સંયમી આત્માઓ આ પ્રમાણે દેવીને શું આશીર્વાદ આપી • શકે ? વિચારતાં લાગે છે કે સંઘાદિના સંરક્ષણરૂપ શુભ કાર્ય માટે આ રીતે આશીર્વાદ આપવા કે શુભ મનોકામના વ્યક્ત કરવી તે કોઈ રીતે અયોગ્ય જણાતું નથી. અવસરના જાણ આચાર્ય ભગવંત આવા અવસરે દેવીને આ રીતે વધુ સજાગ બનાવે તે યોગ્ય જ લાગે છે.
અવતરણિકા :
| વિજયાદેવી શ્રીસંઘ તથા સાધુ ભગવંતો માટે શું કરે છે તે જણાવી હવે ભવ્ય પ્રાણીઓ માટે તે શું કરી શકે છે તે જણાવે છે :