________________
સૂત્રસંવેદના-૫
પરાકાષ્ઠા પ્રભુમાં જોવા મળતી. આથી જ અહીં પ્રભુને પ્રશંસવા યોગ્ય તરીકે બિરદાવ્યા છે. ૨. ત્રેત્રોવા-પૂજિતાય - અને ત્રણે લોકથી પૂજાયેલા (શ્રી શાંતિનાથ ભગવાનને મારો નમસ્કાર થાઓ)
ગુણસમૃદ્ધિથી પ્રશંસાને પાત્ર બનેલા પ્રભુ ત્રણે જગતના જીવોથી અર્થાત્ ઊર્ધ્વ, અધો અને તીર્જી લોકમાં રહેલા ભવ્યાત્માઓથી ભક્તિપૂર્ણ હૃદયે પૂજાયેલા છે. અર્થાત્ ત્રણે જગતના યોગ્ય જીવો ભગવાનને નાથ તરીકે સ્વીકારે છે, પોતાની ભૂમિકા અનુસાર યથાશક્તિ તેમની આજ્ઞાનું પાલન કરે છે અને બહુમાનપૂર્વક ઉત્તમ દ્રવ્યોથી વિવિધ પ્રકારે તેમની પૂજા, ભક્તિ આદિ કરે છે. આ રીતે ભગવાન ત્રણે જગતથી પૂજાયેલા છે. ૨૦. નમો નમઃ શાન્તિદેવાય - શાંતિના અધિપતિ એવા શ્રી શાંતિનાથ ભગવાનને મારો વારંવાર નમસ્કાર થાઓ !
પૂર્વની ગાથામાં જણાવ્યું તેમ અહીં પણ નમો નમઃ પદ બે વાર બોલાયેલું છે; પરંતુ તે સ્તુતિ કરનારના વિશેષ હર્ષના અતિરેકને પ્રદર્શિત કરે છે, માટે પુનરુક્તિ દોષ નથી. આ ગાથા બોલતાં સાધક વિચારે કે,
દુનિયામાં કોઈ પાસે ન હોય તેવી સમૃદ્ધિના સ્વામી હોવા છતાં મારા નાથની નિર્લેપતા કેવી છે ! સર્વની પ્રશંસાનું સ્થાન છતાં તેમની નિ:સ્પૃહતા કેવી છે ! ત્રણે લોકમાં પૂજનીય છતાં તેમની ઉદાસીનતા કેવી છે ! આવા સ્વામીના સેવક થવાનું સૌભાગ્ય દ્રવ્યથી સાંપડ્યું છે, પરંતુ વાસ્તવમાં તેમના ચરણની રજ થવાની પણ મારી યોગ્યતા નથી. પ્રભુ આપને નમસ્કાર કરું છું અને જ્યો સુધી સંસારમાં છું ત્યાં સુધી આપના સેવક થવાની યોગ્યતા પ્રગટે
તેવી અભ્યર્થના કરું છું.” ગાથા:
१ सर्वामर-सुसमूह-स्वामिक-सम्पूजिताय "न जिताय । १३भुवन-जन-पालनोद्यततमाय सततं नमस्तस्मै ।।४।।
