Page Text
________________
લઘુ શાંતિ સ્તવ સૂત્ર
૫૯
આ જગતમાં જે કોઈ દેવો, અસુરો કે માનવો, જે પૂજા-સત્કાર-સન્માન પ્રાપ્ત કરે છે, તેના કરતાં અનંતગુણ અધિક પૂજા તીર્થકરોની થાય છે. વળી, તેમના કલ્યાણક આદિ પ્રસંગે દેવો જે પ્રકારે તેમની વિશિષ્ટ ભક્તિ કરે છે, તે મહાન ભક્તિ માટે જગતમાં એક માત્ર પરમાત્મા જ યોગ્ય છે, માટે તેમને અહંદુ તરીકે સંબોધી નમસ્કાર કરાય છે.
૪. શાન્તિ-નિનીય નવતે - જયવાળા શાંતિજિનને (મારો નમસ્કાર થાઓ.)
આ જગતમાં બાહ્ય સુખ માટે જેમ બાહ્ય શત્રુઓ ઉપર વિજય મેળવવો પડે છે. તેમ આંતરિક સુખ માટે અંતરંગ શત્રુઓ ઉપર વિજય મેળવવો પડે છે.
શાંતિનાથ ભગવાનનો પુણ્ય પ્રભાવ જ એવો હતો કે બાહ્ય શત્રુને જીતવા માટે તેમને કોઈ પ્રયત્ન કરવો પડ્યો ન હતો. બાહ્ય દુનિયામાં તો તેઓ જન્મજાત વિજેતા હતા, પરંતુ તપ અને ધ્યાનની વિશિષ્ટ સાધના દ્વારા તેમણે પ્રયત્નપૂર્વક અંતરંગ શત્રુઓને પણ પરાસ્ત કર્યા હતા. અડ્ડો જમાવી બેઠેલો મોહરૂપી મહાશત્રુ કે જેણે આખી દુનિયાને હંફાવી છે, ભલભલા ભડવીરોને પોતાના સકંજામાં લીધા છે, સર્વત્ર જીત મેળવનારા પરાક્રમી પુરુષો પણ જેનાથી પછડાયા છે, તે મોહરૂપી મહાશત્રને પ્રભુએ ક્ષમા આદિ શસ્ત્રો દ્વારા એવી રીતે મહાત કર્યો કે ત્યારપછી તે ક્યારેય પ્રભુનો પડછાયો લેવા સુદ્ધાં પણ આવ્યો નહિ. આ રીતે પ્રભુ બાહ્ય અને અંતરંગ શત્રુઓના વિજેતા હતા. આથી જ સ્તવકારે “નવને” વિશેષણથી પ્રભુને બિરદાવી કહ્યું છે કે, “સર્વત્ર વિજયને વરેલા શાંતિનાથ ભગવાનને મારો નમસ્કાર થાઓ.’
છે. યશસ્વિને - યશવાળા, યશસ્વી (એવા શાંતિનાથ ભગવાનને મારો નમસ્કાર થાઓ.) .
યશવાળા હોવું એટલે લોકોમાં પ્રશંસાપાત્ર બનવું, યશસ્વી વ્યક્તિના કાર્યની લોક કદર કરે છે, તેણે થોડું જ કર્યું હોય તો પણ લોક તેને ઘણું કર્યું માને, તેનું ગમે તેવું કાર્ય પણ લોકને સારું લાગે, આમ જેનાથી લોક ચાહના મળે તેને “યશ' કહેવાય છે. આવી લોકચાહના મળવા પાછળ પુણ્યનો ઉદય કામ કરે છે. આઠ પ્રકારના કર્મમાં છઠ્ઠા નામકર્મમાં યશનામકર્મ' નામનું એક કર્મ છે. તેના ઉદયથી યશની પ્રાપ્તિ થાય છે. શાંતિનાથ ભગવાનનું યશનામકર્મ એવું વિશિષ્ટ હતું કે તેમના કાર્ય તો દૂર રહ્યા, પરંતુ તેમનું નામ માત્ર પણ લોક માટે આનંદનું કારણ બનતું. તેમનું
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |