Page Text
________________
અઠ્ઠાઈજેસુ સૂત્ર
બનાવવામાં આવે છે. ૨૪ આંગળની દાંડી અને ૮ આંગળ લાંબી દશી મળી કુલ-૩૨ અંગુલ પ્રમાણ તેની લંબાઈ હોય છે. ચિત્ત રજથી ખરડાયેલી ભૂમિ કે જીવાકુલ ભૂમિ હોય ત્યારે મહાત્માઓ અત્યંત જયણાપૂર્વક હળવા હાથે, કોઈ જીવોને પીડા ન થાય તેવા પરિણામપૂર્વક આ રજોહરણથી તે ભૂમિનું પ્રમાર્જન કરે છે અને પછી તે ભૂમિ ઉપર સ્વાધ્યાય, ધ્યાન આદિ કરે છે.
૩૯
ગુચ્છ=ગુચ્છા. પંચ મહાવ્રતધારી મહાત્માઓ આહાર માટે કાષ્ઠનાં પાત્રા રાખે છે. જયણા માટે તે પાત્રા ઉપર જે ઊનનું વસ્ત્ર રખાય છે, તેને ગુચ્છા કહેવાય છે. તે પાત્ર-પરિકરની એક વસ્તુ છે.
પડિગ્ગહ=પતગ્રહ. પડતાં આહા૨ને જે ગ્રહણ કરે - ધારણ કરે તે પતગ્રહ કે પાત્રા કહેવાય છે. અપરિગ્રહવ્રતવાળા સંયમી સાધકો આહાર લેવા અને વાપરવા માટે જે કાષ્ઠમય ભાજન (લાકડાનાં બનેલાં ભાજન)નો ઉપયોગ કરે તેને પાત્રા કહેવામાં આવે છે.
જો કે અહીં રજોહરણ, પાત્રા અને ગુચ્છા - આ ત્રણ વસ્તુના નામનો જ ઉલ્લેખ કર્યો છે. પરંતુ આના ઉપલક્ષણથી શ્વેત વસ્ત્ર, કાષ્ઠનો દંડ, ગરમ કામળી વગેરેનો સમાવેશ પણ સ્વમતિથી સમજી લેવૉ જોઈએ.
આ પદ દ્વારા સમગ્ર બાહ્ય સંસારનો ત્યાગ કરી અત્યંતર સંસારનો ક્ષય કરવા જેઓએ સંયમ જીવનનો સ્વીકાર કર્યો છે, તેવા સાધુ મહાત્માઓનો પોતાનાં વ્રતને અનુરૂપ બાહ્ય વેષ પણ કેવો છે, તેનું ચિંતન, મનન અને ધ્યાન કરવાનું છે..
દ્રવ્યથી રજોહરણ આદિ લિંગને ધારણ કર્યા હોવા છતાં કેટલાકમાં સાધુના ગુણ નથી આવા વેષધારીની અહીં વાત નથી તેથી આવા વેષની સાથે મુનિ કેવા ભાવયુક્ત હોવા જોઈએ, તે હવે જણાવે છે.
પંચ મહત્વવધારા – પાંચ મહાવ્રતોને ધારણ કરનારા,
જેનું સ્વરૂપ પંચિંદિય સૂત્રમાં જણાવ્યું છે, તેવા પાંચ મહાવ્રતોને ધારણ કરનારા.
2- પાત્રા સંબંધી સાત ઉપકરણોને પાત્ર-નિયેંગ અથવા પાત્ર-પરિકર કહેવાય છે.તેમાં. ૧. પાત્રા ૨.પાત્ર-બન્ધ (ઝોળી) ૩.પાત્ર-સ્થાપન(પાત્રાનું પડિલેહણ આદિ કરતી વખતે પાત્રાને રાખવા માટેનું ઉની કપડું-પાત્રાની કામળી)૪.પાત્ર-કેસરિકા (પૂંજણી) પ.પડલાં (ભિક્ષા અવસરે પાત્ર ઢાંકવાનું વસ્ત્ર) ૬.૨જસણ (૨જથી રક્ષણ કરવાનું સુતરાઉ વસ્ત્ર જેમાં પાત્રા વીંટાળાય છે) અને ૭.ગોચ્છક (ઝોળીમાં પાત્રા બાંધ્યા પછી ઉપરના ભાગમાં ઢાંકવામાં આવતું ઊનનું વસ્ત્ર-ગુચ્છા) આ સાત ઉપકરણો પાત્ર સંબંધી હોય છે.
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |