Page Text
________________
૨૦૨
સૂત્રસંવેદના-૫
જંગલમાં લઈ જઈ શંખરાજાના હુકમનું પાલન કર્યું. દઢ ધર્માનુરાગિણી કલાવતીજીએ કર્મકૃત પરિસ્થિતિનો સહજ સ્વીકાર કરી લીધો. જંગલમાં તેમણે પુત્રને જન્મ આપ્યો. તેમના સમ્યકત્વ અને શિયળના પ્રભાવથી બન્ને હાથ પાછા આવ્યા અને કંકણોથી વિભૂષિત બન્યા.
આ બાજુ કલાવતીનાં કંકણયુક્ત કાપેલાં કાંડાઓ જ્યારે શંખરાજાએ જોયાં ત્યારે તે કંકણ પર કલાવતીના ભાઈનું નામ વાંચી તેમની શંકા દૂર થઈ. તેમને ખૂબ પસ્તાવો થયો. ઘણા વખત પછી બન્નેનો મેળાપ થયો. સુંદર ભવિતવ્યતાના યોગે એક જ્ઞાની ગુરુભગવંત પાસેથી બન્નેએ પોતાનો પૂર્વ ભવ જાણ્યો. જાતિસ્મરણ જ્ઞાન થયું. કર્મના બંધનોને તોડવાને દૃઢ નિર્ણય કર્યો અને દીક્ષા લઈ આત્મકલ્યાણ કર્યું. આ બે આત્માઓ ત્યાંથી દેવલોકમાં ગયા અને છેવટે પૃથ્વીચંદ્રગુણસાગર થઈ મોક્ષે ગયા.
“ઘન્ય છે આપને ! ઘન્ય છે આપની વીરતા, ગંભીરતા અને શ્રદ્ધાને ! આપના ચરણોમાં મસ્તક મૂકી આવા સદ્ગુણોની
આપ પાસે પ્રાર્થના કરીએ છીએ.” રૂ૨ (૮૧) પૂયૂ - પૂષ્પચૂલા
દુનિયામાં પાપ કરનારા તો ઘણા છે; પરંતુ સર્વની સમક્ષ નિઃશલ્યભાવે નિખાલસતાથી પોતાના પાપનું પ્રાયશ્ચિત્ત કરનારા કોઈક વિરલા જ હોય છે. આવું વિરલ વ્યક્તિત્વ મહાસતી પૂષ્પચૂલા ધરાવતા હતા.
પૂષ્પચૂલા અને પૂષ્પચૂલ બંને જોડીયાં ભાઈ-બહેનોને એકબીજા પ્રત્યે અતિશય સ્નેહ હતો. તેથી પિતાએ બંનેના વિવાહ કરાવ્યા. તેમની માતાને આ અઘટિત ઘટતું જોઈ ખૂબ આઘાત લાગ્યો. સંસારની વિડંબણાઓથી મુક્ત થવા તેમણે સંયમ સ્વીકાર્યું અને કાળક્રમે સ્વર્ગે સિધાવ્યા. પૂષ્પચૂલાને પ્રતિબોધ પમાડવા તેમણે તેને સ્વર્ગ-નરકના સ્વપ્નો દેખાડ્યા. આચાર્ય અર્ણિકાપુત્રે શ્રુતાનુસાર સ્વર્ગ-નરકનું આબેહૂબ વર્ણન કરી પુષ્પચૂલા રાણીને ધર્મમાં સ્થિર કર્યો. -,
પૂષ્પચૂલાને પાપથી છૂટવા સંયમ લેવાની ભાવના થઈ. આચાર્યશ્રીએ દીક્ષા લેવા પૂર્વે પાપોની આલોચના કરી પ્રાયશ્ચિત્ત કરવા જણાવ્યું. ત્યારે પૂષ્પચૂલાજીએ
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |