Page Text
________________
શ્રી નમસ્કાર મહામંત્ર
સારું મુહૂર્ત જોઈ પરણાવેલી કન્યા અખંડ સૌભાગ્યને પામે જ તેવું નક્કી નથી. સારા શુકન જોઈ પરીક્ષા માટે ગયેલો વિદ્યાર્થી પાસ થાય જ, તેવું પણ ચોક્કસ નથી, વાજિંત્રાદિ શુભ નિમિત્તે પ્રયાણ કરેલ મુસાફર ઈષ્ટ સ્થાને પહોંચે જ, તેવું પણ નથી. આવું ન જ બને તેવું કહેવું નથી. પણ સારું થાય જ તેવું પણ અનુભવમાં આવતું નથી.
જ્યારે ભાવ મંગલસ્વરૂપ નવકારમંત્રને જેણે સાથે રાખ્યો હોય એવા મહાપુરુષો નિકાચિત કર્મને કારણે કદાચ બાહ્યદૃષ્ટિથી ઈષ્ટફળને ન પામ્યાં હોય તો પણ આંતરદૃષ્ટિએ તેઓ સમાધિના સુખવાળા જ હોય છે. જેમ ગીચ જંગલમાં અનેક આફતો વચ્ચે નવકારના ધ્યાનમાં મગ્ન દમયંતી ગુફામાં પણ આનંદથી સમય પસાર કરતાં હતાં. સગર્ભા અવસ્થામાં, જંગલમાં એકલા અટૂલાં પડેલાં મહાસતી સીતા અને અંજના પણ પંચપરમેષ્ઠીનું સ્મરણ કરતા સુખે સમય પસાર કરતાં હતાં. આજે પણ નવકારની આસ્થાવાળા અનેક ભવ્યાત્માઓ નવકારના સ્મરણ માત્રથી વિબોને વિદારી ઈચ્છિત ફળને પામે છે, તેના અનેક દાખલાઓ જોવા અને સાંભળવા મળે છે.
આનો અર્થ એવો નથી કે, શુભ શુકનો, શુભ નિમિત્તો કે શુભ મુહૂર્તો નકામા જ છે. પરંતુ શુભ શુકનો આદિ પણ ભાવ મંગળથી પ્રાપ્ત થયેલા પુણ્યથી જ મળે છે અને ફળે છે. જો પુણ્ય ન હોય તો તે પણ કાર્ય કરી શકતા નથી. જ્યારે ભાવ નમસ્કાર તો તેવા પ્રકારના પુણ્યને પેદા કરાવી તત્કાળ અથવા કાળક્રમે ઉત્તમોત્તમ સુખ આપે જ છે.
આ પરમેષ્ઠીઓને નમસ્કાર કરવાથી કર્મનો ક્ષય, મંગલનું આગમન ઈહલોકમાં આરોગ્ય, પ્રસન્નતા વગેરેની પ્રાપ્તિ તથા પરલોકમાં ઉત્તમ કુળ, ઉત્તમ જાતિવાળી સદ્ગતિ અને પરંપરાએ મોક્ષની પ્રાપ્તિરૂપ ફળ મળે છે. મંગલ શબ્દના જુદા જુદા અર્થ :
મંગળ શબ્દના જુદી જુદી રીતે નીચે પ્રમાણે ઘણા અર્થો થઈ શકે છે.' ૧. “મન નીતિ નિ મંત્ર' એટલે કે મંગ = શુભને, કલ્યાણને તિ = લાવે તે મંગલ.
ગઢવા મા ઘો, તે સ્ત્ર તયં સમજો - અથવા મંગને એટલે ધર્મને લાવે છે, તે મંગલ કહેવાય છે. આ
| SR No. | 005835 |
| Book Title | Sutra Samvedana Part 01 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2008 |
| Total Pages | 244 |
| Language | Gujarati |
| Classification | Book_Gujarati |
| File Size | 13 MB |