________________
સામાઈયવય જુનો સૂત્રા
સૂત્ર પરિચય
આ સૂત્રનો મુખ્ય ઉપયોગ સામાયિક પારતી વખતે કરવામાં આવતો હોઈ આ સૂત્રનું બીજું નામ “સામાયિક પારણ સૂત્ર' રાખવામાં આવ્યું છે.
સામાયિક પારવું એટલે સામાયિકને જે રીતે કરવાનું કહ્યું હતું, તે રીતે વિધિસર પૂર્ણ કરવું. સામાયિકનો સમય પૂર્ણ થતા આ સૂત્ર બોલી પુનઃ પુનઃ સામાયિક કરવાની ભાવના સાથે સામાયિકની ક્રિયાથી વિરમવું એટલે સામાયિક પારવું. .
આ સૂત્રમાં સામાયિક કરવાથી શ્રાવકને શું ફાયદો થાય છે, તે વાત સ્પષ્ટ જણાવવામાં આવી છે. મોક્ષનો અભિલાષી સાધુ હોય કે શ્રાવક, તેની એક જ કામના હોય છે કે, ક્યારે મારા કર્મ નાશ થાય અને હું કંઈક શુદ્ધ બની આત્માની સાધના કરું. કર્મનાશનો સર્વશ્રેષ્ઠ ઉપાય સર્વવિરતિ છે, પણ સર્વવિરતિને ગ્રહણ કરવાનું જે શ્રાવકનું સામર્થ્ય નથી, તેવા શ્રાવકને જ્યારે એવું સાંભળવા મળે કે આ સામાયિકની ક્રિયા એવી છે કે, જેમાં શ્રાવક લગભગ સાધુ જેવો થાય છે અને શ્રાવક પણ સામાયિકના કાળમાં ઘણા અશુભ કર્મો ખપાવી શકે છે. ત્યારે તેને પુનઃ પુનઃ સામાયિક કરવાની ઇચ્છા થાય છે. આથી જ સામાયિક પારતા આ સૂત્ર બોલવાનું જ્ઞાની પુરુષોએ વિધાન કર્યું લાગે છે.
આ સૂત્રના અંતમાં સામાયિકના કાળ દરમ્યાન લાગેલા બત્રીસ દોષોને યાદ
