________________
૧૮૦
સૂત્ર સંવેદના
પર્યાયને હું છોડી દઉં છું. બીજી રીતે અર્થ કરતાં માર્ગ = સત્તા" = જેને કોઈનું શરણ નથી, કોઈ જેનું રક્ષણ કરી શકે તેમ નથી, તેવા આ સંસારમાં પડેલા પાપી આત્માનું હું વ્યસૃજન કરું છું અર્થાત્ વોસિરાવું છું, અત્યંત ત્યાગ કરું છું. અનાદિકાળથી સતત જે પાપ થયા જ કર્યા છે અને તેને કારણે આત્મા ઉપર જે પાપના સંસ્કારો સઘન થયા છે, તે ભૂતકાળના પાપોનો વિવિધ પ્રકારે, વિશેષથી અને અત્યંત રીતે હું ત્યાગ કરું છું એટલે કે, સામાયિકના કાળ દરમ્યાન તે પાપ થવા સંભવિત જ ન રહે તે રીતે હું ત્યાંગ કરું છું. આ રીતે બોલવાના કારણે ભૂતકાળના સાવદ્ય ભાવયુક્ત આત્મા સાથેનો હવે મારે સંબંધ નથી તેવી બુદ્ધિ થાય છે.
