________________
લોગસ્સ સૂત્ર
સૂત્રપરિચય :
લોગસ સૂત્રમાં ભરતક્ષેત્રના આ જ અવસર્પિણી કાળમાં થયેલા ચોવીસ તીર્થકરોની સ્તવના કરવામાં આવી છે, તેથી તેને “ચતુર્વિશતિ સ્તવ સૂત્ર” પણ કહેવાય છે. ઋષભાદિ ચોવીસ તીર્થંકરોએ આ કાળમાં તીર્થની સ્થાપના કરીને આપણા ઉપર મોટો ઉપકાર કર્યો છે, માટે તેઓ આપણા આસન્ન (નિકટના - વિશેષ) ઉપકારી છે. આ સૂત્રમાં નામોલ્લેખપૂર્વક તેમનું કીર્તન કરાય છે. તેથી આ સૂત્રને “નામસ્તવ સૂત્ર” પણ કહેવાય છે.
અરિહંતના અનંતજ્ઞાનાદિ ગુણોની સ્મૃતિ થતાં, જ્યારે હૈયામાં અરિહંત પરમાત્મા પ્રત્યે અહોભાવ અને આદરભાવ જાગે ત્યારે એ આદરભાવપૂર્વક જો અરિહંતના નામનું સ્મરણ કરવામાં આવે કે, તેમની મૂર્તિની પૂજા કરવામાં આવે કે પરમાત્માની ભિન્ન ભિન્ન અવસ્થાની ભક્તિ કરવામાં આવે તો તે નામસ્મરણાદિથી પુણ્યબંધ અને કર્મનિર્જરા થાય છે. આવા નામસ્મરણાદિ પરંપરાએ પરમપદની પ્રાપ્તિનું કારણ બને છે.
આથી જ આ સૂત્રમાં અરિહંતના નામનું સ્મરણ કરવા પૂર્વે, પ્રથમ ગાથામાં ભાવ તીર્થંકરનું સ્વરૂપ બતાવ્યું છે કે જેથી ભાવજિનનું ચિંતન કરતાં જ
1. જૈન દર્શનમાં કોઈપણ પદાર્થને સ્પષ્ટ રીતે સમજાવવા માટે, ચાર નિક્ષેપનું વર્ણન આવે છે. વિશ્વની દરેક વસ્તુના ઓછામાં ઓછા ચાર પ્રકાર કે ચાર નિક્ષેપ હોય છે નામ, સ્થાપના, દ્રવ્ય અને ભાવ. જિનના પણ ચાર નિક્ષેપ હોય છે નામજિન, સ્થાપનાજિન, દ્રજિન અને
