________________
સરળ ગુજરાતી વ્યાકરણ
૧૧૭ આ ત્રણે વાક્યોમાં જે ક્રિયા ભવિષ્યમાં થવાની હતી તે ભૂતકાળ વડે કહેવામાં આવી છે. આમ, અહીં ભવિષ્યકાળ અને ભૂતકાળનું મિશ્રણ થયેલું છે.
મિશ્ર ભવિષ્યકાળ : (અ) અપૂર્ણ ભવિષ્ય : હું પુસ્તક વાંચતો હોઈશ. વાંચવાની ક્રિયા પૂરી નહિ થઈ ગઈ હોય; ચાલુ હશે. (બ) પ્રથમ પૂર્ણ ભવિષ્ય : મેં પુસ્તક વાંચ્યું હશે. વાંચવાની ક્રિયા પૂરી થઈ ગઈ હશે. (ક) દ્વિતીય પૂર્ણ ભવિષ્ય : મેં પુસ્તક વાંચેલું હશે. (ડ) ઇચ્છાવાચક ભવિષ્ય ઃ ૧. હું પુસ્તક વાંચનાર હોઈશ.
૨. હું પુસ્તક વાંચવાનો હોઈશ. ૩. મારે પુસ્તક વાંચવું હશે.
