________________
૨૬
–
–
–
–
–
–
–
–
–
–
શ્રી લબ્ધિ પ્રતિક્રમણ સૂત્ર ચિંતતિકા
– ગુરુદેવ ! મારી આંતરકથા..... આંતરવ્યથા શું કહું? મારી કથા કહેતા હું લજ્જા પામુછું. આપના સાંનિધ્યમાં રહ્યો મને પ્રતિક્રમણ ખૂબ ગમે છે. ઘણીવાર પ્રતિક્રમણ કરું છું પણ હું ઘાંચીના બળદ જેવો છું. ફરી ફરી પાછા એના એજ રાગ-દ્વેષ અને અજ્ઞાનના ચક્કરમાં અટવાઈ જાઉં છું. મારું પ્રતિક્રમણ નિષ્ફળ જાય છે. હું હારી જાઉં છું. થાકી જાઉં છું. નિરાશ થઈ કિંકર્તવ્ય મૂઢ બની જાઉં છું. પ્રતિક્રમણ ભૂલી જાઉં છું. પ્રભુ મને રસ્તો બતાવો. મને પંથ બતાવો.
સાધક! અજ્ઞાન એ જ અંધકાર છે. ત્યાં ભૂલભૂલામણી હોય જ. પ્રતિક્રમણ કર પણ જ્ઞાનનો દીપક લઈ જીવન માર્ગે સંચરજે.... ફક્ત પડિક્કમામિ શબ્દ ના બોલ. ફક્ત પ્રતિક્રમણની ક્રિયા ના કર. પણ જ્ઞાનના દીપક દ્વારા નિહાળ કે પ્રતિક્રમણથી મારા આત્મગુણોની પ્રગતિ કેટલી? પ્રતિક્રમણથી મારા ક્રોધની અગ્નિજવાળા કેટલી શમી ગઈ? મારા આત્માએ પ્રતિક્રમણ દ્વારા સમતાકુંડમાં કેટલીવાર સ્નાન કર્યું? પ્રતિક્રમણ દ્વારા ૧૮ પાપસ્થાનકથી કેટલો વિરામ પામ્યો? પ્રતિક્રમણ દ્વારા મેં કેટલા બાહ્ય અને અત્યંતર કર્મબંધના કારણોને અટકાવ્યા.
પ્રભુ! મારી આત્મકથની કહું. પ્રતિક્રમણમાં મેં ફક્ત શબ્દોચ્ચાર જ કર્યો. ૧૮ પાપસ્થાનકના નામ બોલી ગયા પણ એકવાર પણ મેં વિચાર કર્યો નથી. આ પાપ છે. આ પાપનું મેં આચરણ કર્યું છે. મારે આ પાપથી પીછેહઠ કરવાની છે. મેં તો પોપટપાઠ કર્યા છે. સૂત્રોના ઉચ્ચારણ દ્વારા જીભને જ શ્રમ આપ્યો છે. જીભની કસરત કરી છે. પ્રભુ! તમારા બાળ પાસે એકતો સાચું પ્રતિક્રમણ કરાવો. ઓ પ્રભુ! હું ગમે તેવો છું. પણ ઉપેક્ષાને પાત્ર નથી. મારી ઉપેક્ષા ન કરો..
