________________
શ્રી લબ્ધિ પ્રતિક્રમણ સૂત્ર ચિંતતિકા
૨૭
સાધક ! કોઇની અપેક્ષા કે કોઇની ઉપેક્ષા તને પ્રતિક્રમણના માર્ગે નહિ લાવી શકે – પ્રતિક્રમણ પહેલાં તું એક પ્રતિજ્ઞા કર. હું કોઇ દિવસ કોઇ જીવની ઉપેક્ષા નહિ કરું; કદાચ ઉપેક્ષા કરીશ તો મારી જ કારણ, મારા દોષોને . મારા દુર્ગુણોને મારી ભૂલોને મારા અપરાધોને મોકળું મેદાન ન મળી જાય.
ખુદના અપરાધ ખ્યાલમાં રહે.
જગતના અપરાધ વીસરવાની કળા તે જ પ્રતિક્રમણ છે. પ્રતિક્રમણ તો આત્મચિંતનનો અનુપમ રાહ છે.
“અહો કરું... અહો કરું.. તત્ત્વ તુ ન જ્ઞાયતે કિંચિત્' આ પ્રભવસ્વામીના શિષ્યોના શબ્દ એ શય્યભવ ભટ્ટે પ્રતિક્રમણ કર્યું. અને ભટ્ટમાંથી ભટ્ટારક પૂજ્યપાદ બન્યા. તિન્નાણું તારયાણં બન્યા.
પ્રતિક્રમણ સામાન્ય સાધના નથી. એક અદ્ભુત યૌગિક પ્રક્રિયા - સાધના છે. પ્રભાત અને સંધ્યા દિવસ અને રાત્રિ બંનેને પવિત્ર કરવાની આત્મ સાધનાની અનુપમ વિધિ છે.
પ્રભુ ! પડિક્કમામિ પૌદ્ગલિક દશામાંથી આધ્યાત્મિક દશા તરફ પગ માંડું, પડિક્કમામિ... વિભાવદશામાંથી સ્વભાવદશા તરફ ગમન કરું.
પડિક્કમામિ... સરાગી અવસ્થામાંથી વીતરાગી દશા તરફ ગમન કરું. પ્રભુ ! મારી પ્રત્યેક ક્રિયા પ્રતિક્રમણ બનો.... બસ... પ્રભુ, મને નિજાત્મદશા, સ્વભાવદશા તરફ લઇ જાવ એ જ પ્રાર્થના...
