________________
*
૨૫
શ્રી લબ્ધિ પ્રતિકમણ સૂત્ર ચિતનિકા_-----------
બહારની ભૂલ ભૂલામણીથી માર્ગ પર આવવું સુલભ છે. પણ આંતર વંધમાં આંતર જગતની રાગ-દ્વેષની ગલીખુંચીમાંથી પીછે હઠ કરવી -પ્રતિક્રમણ કરવું ખૂબ ખૂબ દુર્લભ છે. પ્રતિક્રમણ મહારથી કરી શકે, પ્રતિક્રમણ મહાત્મા કરી શકે. કાયરનું કામ નહિ. પ્રતિક્રમણ તો શૂરાનો પંથ છે. શૂરવીર - બહાદૂર જ પ્રતિક્રમણ કરી શકે.
બાહ્ય જગતમાં વિજય-હારના દાવપેચ ચાલ્યા જ કરતાં હોય. જગત એ તો શતરંજની રમત છે. તેમાં નિત્ય કોઇનો વિજય નથી. નિત્ય કોઇની હાર નથી. જગતના ખંધા લોકો તો કહે પાનાની રમત - જુગારના ખેલ - સટ્ટાનો વ્યાપાર-રેસની દુનિયા એ તો હંમેશા હાર અને વિજયનો શંભુમેળો છે. ત્યાં પૂછવાનું નહિ કોણ હાર્યો. કોણ વિજયી થયો. બસ ફક્ત હસવાનો ઢોંગ કરી મસ્તીથી બોલે રમત પૂરી થઈ.
પ્રભુ ગુરુદેવ! મારી આંખ સામે એક આગવું દશ્ય દેખાય છે. બાહુબલીએ રણમેદાનમાં મુઠ્ઠી ઉગામેલી લાગે એક ક્ષણમાં મહારાજા ભરત ચક્રવર્તી હતા ન હતા થઇ જાત. પણ મહાત્મા બાહુબલીએ ઉગામેલ મુઠ્ઠી ક્રોધથી ઉગામેલ મુકી વૈરથી ઉગામેલી મુકીનું પ્રતિક્રમણ કર્યું. . .
. * પ્રભુ ! ઋષભદેવ તમે પ્રથમ તીર્થંકર પ્રથમ મુનિ. આ અવસર્પિણી કાળમાં પ્રથમ ધર્મ તીર્થ પ્રવર્તક. તમારો પ્રભુ પુત્ર થઈ ગોત્રદ્રોહ કરું? ભ્રાતૃદ્રોહકરું? વડીલ ભાઈનો હત્યારો બનું? બાહુબલીએ આત્મબલી બની પ્રતિક્રમણ કર્યું. ઉગામેલી મુઠ્ઠીથી લોચ કર્યો. મહાત્મા બાહુબલી માટે રણમેદાન - પ્રતિક્રમણનું પવિત્ર સ્થળ બની ગયું. બાહુબલીએ ફક્ત માથાનું મુંડન ન કર્યું. પણ ક્રોધ-માન-માયા-લોભવેરઝેર-ઇર્ષ્યા-અસૂયાથી પ્રતિક્રમણ કર્યું.
