________________
જે પડિક્લા િ
પ્રતિક્રમણ કરું છું :
હું પીછેહઠ કરું છું. હું પાછો વળું છું. હવે હું આગળ નહિ વધુ. મને લાગે છે ક્યાંક માર્ગ ભૂલ્યો છું. જરૂર પંથ ભૂલ્યો છું - હવે આગળ વધુ તો ખરેખર ભૂલ ભૂલામણીમાં અટવાઇ જઇશ.
પડિક્કમામિ શબ્દ આત્મસંશોધનનો અનુપમ પંથ છે. - હું પાછો ફરુ છું. શબ્દનું રહસ્ય જું એ છે કે મેં ક્યાંક ભૂલ કરી છે. પણ હવે સદ્ગુરુકૃપાએ આત્મજાગૃતિ પેદા થઈ છે. જેથી હું ઉન્માર્ગનો ત્યાગ કરું છું.
પ્રતિક્રમણ-પીછેહઠ વિશ્વમાં અનેક કાયરો કરે છે. સંપૂર્ણ વિચારણા બાદ આગળ-પાછળનો વિચાર કર્યા વગર પાગલ બની દોડનાર સૌને પીછેહઠ – પ્રતિક્રમણ કરવું પડે. પણ બહારના માર્ગથી દોડાદોડ પરથી નહિ. અંતરની ઉલ્ટી દોડાદોડ – રાગ દ્વેષની ભૂલ ભૂલામણીમાં અજ્ઞાન અંધારે અટવાતો સાધક પીછે હઠ નથી કરતો, સન્માર્ગે આગળ ધપે છે. ખોટા પણ પકડાયેલા માર્ગથી પાછા ન વળવું એ હઠ છે. એ મૂર્ખતા છે. સાધકે પ્રાજ્ઞ બનવાનું છે. સરળ બનવાનું છે. અને તેથી જ જે ક્ષણે ખ્યાલ આવે તેજ ક્ષણે પક્ષને પલટી દેવાનો છે. “પડિક્કમામિ” વિજયઘોષણા છે... આગેકૂચ છે... વિજય યાત્રા છે. હવે હું પડિક્કમામિ - પ્રતિક્રમણ કરું છું.
