________________
શ્રી લબ્ધિ પ્રતિક્રમણ સૂત્ર ચિંતતિકા
––––––––– ––––– ઉપદેશ-પ્રેરણા-વાત્સલ્ય દ્વારા શાસ્ત્ર જ્ઞાનના પાન કરાવ્યા. વર્તમાન ગુરૂદેવ પૂ.આ.દેવ રાજયશ સૂ.મ.સા. નું ગુરૂ ચરણે સમર્પણ ખૂબ નિકટથી નિહાળ્યું. શાસન ગૌરવ-સમુદાય ગૌરવ – વ્યક્તિમાત્રનું ગૌરવ કરવાની વિશિષ્ટ પધ્ધતિએ દિલ દિમાગનો કબ્દો લીધો.
શાસ્ત્ર વાંચન-શાસ્ત્ર સ્વાધ્યાય-શાસ્ત્ર અર્થ મનમાં ગુંજિત થવા લાગ્યા. અમારા ગુરૂમૈયા પૂ.સા. સુવ્રતા શ્રી મ.સા.ની પ્રભુ ભક્તિ અને અમારા સંસારી - સંયમી માતૃશ્રીનું કડક અનુશાસન સાધુ જીવનની મહત્તા- અનુપમતા સમજાવા લાગી. મારા વડીલ પૂ. ભગિની વિદુષી સાધ્વી રત્નચૂલાશ્રી મ.સા. ની આગમ લીનતા – આગમ-શાસ્ત્રમયતા – નિખાલસતા – સરળતા મારા જીવનના આદર્શ અને લક્ષ્ય બન્યા. લઘુ ભૂગિની સા. શુભોદયાની પુણ્યમયતા – મધુરતા કઠીન વિહાર કરી પલ્લિવાલ પ્રદેશની ઉધ્ધાર વૃત્તિ મારા મનને રૂચિ ગયા. અમારૂં વિશાલ સાધ્વી મંડળ એક આદર્શ આર્યા મંડળ છે. રોજ ત્યાં જ્ઞાન-ધ્યાન-અભ્યાસ-સ્વાધ્યાય-તપનો નંદિઘોષ ચાલે છે. વિનયથી વ્યવહાર કરે છે. સમર્પણથી ધન્ય બને છે. આ સાધ્વી મંડળને અભ્યાસ કરાવતાં વાંચના આપતા આગમ સૂત્રોના પદો દિલમાં રમવા લાગ્યા. પૂજ્ય કૃપાએ લેખિની ચાલવા લાગી. આ સાલ પણ અમદાવાદથી વિહાર સમયે પૂ. ગુરૂદેવે પ્રેરણા કરી – કંઈક લખજો.
મુંબઈ સુપાર્શ્વનાથ જૈન સંઘના નૈસર્ગિક સૌદર્યયુક્ત શાંત વાતાવરણવાળા ઉપાશ્રયમાં ચૈત્ર વદ-૧ (એકમ)ના આવ્યા. પ્રાતઃકાળની આવશ્યક ક્રિયા - પ્રભુ દર્શન બાદ પ્રતિક્રમણ સૂત્ર ઉપર ચિંતનનું આલેખન કાર્ય પ્રારંભ કર્યું.
