________________
મારી વાત
દીક્ષા જીવનની પ૩મી વસંત આવી રહી છે. મુંબઇ તરફનો વિહાર ચાલી રહ્યો હતો. વસઇનો બ્રીજ ક્રોસ કરતાં મૃત્યુ એક આંગળ દૂરથી સલામ કરી ગયું. પણ ચિંતનના ચક્રો પારાવાર પેદા થયા. જીવન યાત્રાના કેટલા ઉપકારી ? સંયમયાત્રાના કેટલા ઉપકારી ? ભવયાત્રાને ભાવયાત્રા બનાવવામાં કેટલા ઉપકારી ? ઉપકારીનું લીસ્ટ કરવા બેસું તો લાગ્યું પેન અને પેપર ઓછા પડશે. જંદગીનો સમય ખૂબ ઓછો પડશે. અંતે થયું નાની નોંધ કરું ?
| ત્રિકાલા બાધિત-ત્રિજગત ગુરૂ શાસન સિવાય કૃતજ્ઞભાવ પ્રગટે નહિ. આત્મસાધનાનો અનુપમ માર્ગ પ્રાપ્ત થાય નહિ. શાસનની
સ્મૃતિ શું કરું? સદા શાસનને ચરણે સમર્પિત રહું એ જ જીવનવ્રત બને....
| વિ.સં. ૨૦૦૬માં સંયમ લીધું. પ્રભુ શાસન ગમ્યું, પણ દિલ તો વિ.સં. ૨૦૦૭માં વાત્સલ્ય વારિધિ પૂ. દાદા ગુરૂદેવ લબ્ધિસૂરીશ્વરજી મ.સા. ના દર્શન-વંદન કર્યા અને તેજ: પુંજ ગુરૂદેવના ચરણે હૃદય સમર્પિત થઈ ગયું. તર્ક-વિતર્ક-વિતંડાવાદ-ગાંધીયુગની ભયંકર અસર મગજમાં વિચારોનું વૃંદ્વયુદ્ધ ચાલે. પૂ.પા. ગુરુદેવ વિક્રમ સુ.મ.સા.ની ધીર-ગંભીર-શાંત-મહાશાંત જીવન શૈલી નિહાળી. બસ એમ જ થાય, જન્મ જન્મ આ મહાપુરૂષના ચરણ - અને શાસનમાં રહીયે. પૂ. ગુરૂદેવે જીવનમાં આદેશ તો ક્યારેય કર્યો
