________________
શ્રી લબ્ધિ પ્રતિક્રમણ સૂત્ર ચિંતતિકા
આ ચિંતન આલેખન કરતાં મુખ્યતયાએ મને મારો આત્મા જ સામે દેખાયો છે. તેથી આ લેખન આત્મ સંવેદન સ્વરૂપ બન્યું છે.
આ લેખન દ્વારા આત્મદર્શન-આત્મિક અવસ્થા દર્શન કરવા પ્રયત્ન કર્યો છે. આ પ્રયત્ન મને પરમાત્મમય બનાવે એ જ ભાવના વેગવતી રહી છે. પરમાત્મ ભાવને પામવાનો એક નમ્ર પુરૂષાર્થ છે.
જે વિચારો આવ્યા તે આલેખ્યા છે. પણ ઘણી ક્ષતિ હશે ! ક્યાંય પણ ભૂલ હશે !! ભૂલ મારી છે. ભૂલ અલ્પજ્ઞતાથી, પ્રમાદથી છે. સારૂં સુંદર જે કંઇ પણ તે પૂજયોની કૃપા છે. પુનઃ પુનઃ પ્રભુને, પૂજ્યોને એક જ પ્રાર્થના, આપના ચરણ અને શરણમાં રાખજો. મારા અપરાધની ક્ષમા કરજો. હૃદયના ભાવો કેવળજ્ઞાનીને સ્પર્શવા આતુર છે પણ... જ્ઞાનાવરણીય કર્મ રૂક જાની આલબેલ વગાડે છે. અપરાધ મારા અને ઉપકાર પૂજ્યોના. પુનઃ પુનઃ ઉપકારની સ્મૃતિ કરતાં વિરમું છું. આ સાથે નત મસ્તકે વંદના કરૂં છું.અમારા તારક ગુરૂદેવે અનેક પ્રકારના કાર્યમાં વ્યસ્ત હોવા છતાં આ પુસ્તક સંપાદન કરી આપવાની કૃપા કરી. તેમજ સાધ્વી લક્ષયશાશ્રી તથા સાધ્વી પ્રસન્નયશાશ્રીએ પ્રેસકોપી કરી સુંદર સહકાર આપ્યો છે, અને સાધ્વી દિવ્યયશાશ્રીએ પ્રુફ સંશોધન કર્યું છે.
ગુરૂ ચરણરેણુ
આર્યા વાચયમાશ્રી (બેત મ.)
શ્રી ગોડીજી જૈન ઉપાશ્રય, પાયધુની – મુંબઇ - ૩. તા. ૯ - ૧૦ - ૨૦૦૨ આ. સુ. - ૪ - ૨૦૫૮
