Samyaktva Rahasya Prakaranam

SR No.: 005776
Original Sutra Author: N/A
Author: Siddhasensuri, Hitvardhanvijay
Publisher: Kusum Amrut Trust
Publication Year: 2010
Total Pages: 194
Language: Gujarati
Classification: Book_Gujarati
File Size: 5 MB

Page 42

• भवसिद्धिकाः सलब्धय एवैनं ग्रन्थिभेदनं साधयति परे निष्पक्षवत्यः पिपीलिका इवाऽभिन्नग्रन्थिका अप्राप्ताऽपूर्वकरणादेव प्रतिपतन्ति, क्वचिद् भवसिद्धिका अपि सत्त्वहानितया प्रतिपतन्ति । अत्र राग-द्वेषरसस्य चतुःस्थानीयत्वं निधूय तं द्विस्थानीयत्वमापादय्यते । रसहानिरेव ग्रन्थिभेदनं कर्मशास्त्रपरिपाट्या ।
तृतीयमनिवृत्तिकरणम् । प्रथमंयथाप्रवृत्ति सग्रन्थिकम्, द्वयमपूर्वङ्ग्रन्थिमुललङ्घयत्, तृतीयञ्चाऽनिवृत्ति सन्निहिते सम्यक्त्वे भवति । यदुक्तम्बृहत्कल्पभाष्ये सङ्घदासगणिनाजा गंठि ता पढम गठिं समइच्छओ हवइ बीयं । अनियट्टीकरणं पुण सम्मत्तपुरक्खडे जीवे ॥१५॥ सम्यक्त्वमवश्यम्भावितया लाभयन्तोऽध्यवसाया एव अनिवृत्तिकरणम् । अनिवृत्तिं प्रविष्टोऽन्तर्मुहूर्तादेव सम्यक्त्वं लभते, अत्र प्रविशन् मिथ्यादृष्टिः प्रविष्टोऽप्यन्तर्मुहूर्तम्मिथ्यादृष्टिरनादिमिथ्यात्वस्येदमन्तिमाऽन्तर्मुहूर्तम् । अत्रात्माऽभ्यन्तर्मुहूर्तन्तादृग्विरचयति यत्रोषरभूमौ तृणवदेकमपि मिथ्यात्वमोहदलिकं नोदयं याति, मिथ्यात्वस्याऽन्तरकरणादिदमेव सार्थनामाऽन्तरकरणम् ।
अनिवृत्तिकरणस्य स्थितिद्वयमेवम्प्रकारम्, प्रथममन्तर्मुहूर्तप्रमाणं समिथ्यात्वोदयम्, द्वयमप्यन्तर्मुहूर्तमानं निशान्तमिथ्यात्वोदयम् । यथा वनदवो रणं प्रविशन्नेवोपशाम्यति तथाऽनिवृत्तिं प्रवर्तमानस्याऽन्तरकरणं प्रविशतो मिथ्यात्वमोहनीयं तत्क्षणमुपशाम्यत्यतोऽन्तरकरणं प्रविशन् प्रथमसमयमेव सम्यक्त्वमौपशमिकं लभते ।। __ अन्तरकरणमध्यवसायबलेनाऽवाप्यतेऽत्र चाध्यवसायोत्कर्षेणैवाऽऽत्मा मिथ्यात्वमोहपुद्गलानां त्रिपुञ्जीकरणमपि विदधाति, मिथ्यात्वमोहं मदनकोद्रवशोधनोदाहरणेन विशोधयन् काञ्चन पुद्गलानखण्डशुद्धान् काञ्चिदर्धशुद्धान् कानपि चाऽशुद्धान् घटयति, शुद्धिरत्र मिथ्यात्वरसस्य, ये शुद्धीकृतास्ते सम्यक्त्वमोहपुद्गला अर्धशुद्धीकृतास्ते मिश्रमोहस्य ये चाऽशुद्धास्ते मिथ्यात्वमोहस्य । तदनन्तरमन्तरकरणं समापयति, अथौपशमिकसम्यक्त्वाच्च्युतो यः सम्यक्त्वमोहोदयमाप्नोति स क्षायोपशमिकसम्यग्दृष्टिर्भवत्यन्यश्च
सम्यक्त्वरहस्यप्रकरणम्, गाथा-४