________________
४ स्थानकाध्ययने उद्देशः २ नन्दीश्वराधिकारः ३०७ सूत्रम्
श्री स्थानाङ्ग सूत्र सानुवाद भाग १ चेतितभा पण्णत्ता । तेसि णं चतितथूभाणं पत्तेयं २ चउद्दिसिं चत्तारि मणिपेढिताओ पन्नत्ताओ । तासि णं मणिपेढिताणं उवरिं चत्तारि जिणपडिमातो सव्वरयणामईतो संपलियंकणिसन्नाओ थूभाभिमुहाओ चिट्ठति, तंजहा-रिसभा, वद्धमाणा, चंदाणणा, वारिसेणा ।
सिणं चेतितथूभाणं पुरतो चत्तारि मणिपेढिताओ पन्नत्ताओ । तासि णं मणिपेढिताणं उवरिं चत्तारि चेतितरुक्खा पन्नत्ता । तेसि णं चेतितरुक्खाणं पुरओ चत्तारि मणिपेढियाओ पन्नत्ताओ। तासि णं मणिपेढियाणं उवरिं चत्तारि महिंदज्झया पत्ता । तेसि णं महिंदज्झताणं पुरओ चत्तारि णंदातो पुक्खरणीओ पन्नत्ताओ । तासि णं क्खरिणीणं पत्तेयं २ चउदिसिं चत्तारि वणसंडा पन्नत्ता, तंजहा - पुरत्थिमेणं, दाहिणेणं, पच्चत्थिमेणं, उत्तरेणं । पुवेणं असोगवणं, दाहिणओ होति सत्तवण्णवणं । अवरेण चंपगवणं, चूतवणं उत्तरे पासे ॥१॥ तत्थ जेसे पुरथिमिल्ले अंजणगपव्वते तस्स णं चउद्दिसिं चत्तारि णंदाओ पुक्खरिणीतो पन्नत्ताओ, तंजहा-णंदुत्तरा, गंदा, आणंदा, नंदिवद्धणा । तातो णं णंदातो पुक्खरिणीओ एगं जोयणसयसहस्सं आयामेणं पन्नासं जोयणसहस्साई विक्खंभेणं दस जोयणसयाई उव्वेहेणं, तासि णं पोक्खरिणीणं पत्तेयं २ चउद्दिसिं चत्तारि तिसोवाणपडिरूवगा पन्नत्ता । तेसि णं तिसोवाणपडिरूवगाणं पुरतो चत्तारि तोरणा पन्नत्ता, तंजहा - पुरत्थिमेणं दाहिणेणं पच्चत्थिमेणं उत्तरेणं । तासि णं पुक्खरणीणं पत्तेयं २ चउदिसिं चत्तारि वणसंडा पन्नत्ता, तंजहापुरत्थ[में] दाहि[i] पच्च [त्थिमेणं] उत्तरेणं, पुव्वेण असोगवणं जाव चूयवणं उत्तरे पासे । तासि णं पुक्खरिणीणं बहुमज्झदेस भागे चत्तारि दधिमुहगपव्वता पन्नत्ता, ते णं दधिमुहगपव्वता चउसट्ठि जोयणसहस्साई उड्डउच्चत्तेणं, एगं जोयणसहस्सं उव्वेहेणं, सव्वत्थ समा, पल्लगसंठाणसंठिता, दसजोयणसहस्साई विक्खंभेणं, एक्कतीसं जोयणसहस्साई छच्च तेवीसे जोयणसते परिक्खेवेणं, सव्वरयणामता अच्छा जाव पडिरूवा । तेसि णं दधिमुहगपव्वताणं उवरिं बहुसमरमणिज्जा भूमिभागा पन्नत्ता, सेसं जहेव अंजणगपव्वताणं तहेव निरवसेसं भाणियव्वं, जाव चूतवणं उत्तरे पासे ।
तत्थ णंजे से दाहिणिल्ले अंजणगपव्वते तस्स णं चउदिसिं चत्तारि णंदाओ पुक्खरणीतो पण्णत्ताओ, तंजहा. भद्दा, विसाला, कुमुदा, पोंडरिगिणी । तातो णं णंदातो पुक्खरणीतो एगं जोयणसयसहस्सं सेसं तं चैव जाव दधिमुहगपव्वता जाव वणसंडा ।
तत्थणं जेसे पच्चत्थिमिल्ले अंजणगपव्वते तस्स णं चउद्दिसिं चत्तारि णंदाओ पोक्खरणीओ पन्नत्ताओ, तंजा - गंदिसेणा, अमोहा, गोथूभा, सुदंसणा । सेसं तं चैव तहेव दधिमुहगपव्वता तहेव सिद्धाययणा जाव वणसंडा । तत्थ णं जे से उत्तरिल्ले अंजणगपव्वते तस्स णं चउद्दिसिं चत्तारि णंदातो पुक्खरणीओ पन्नत्ताओ, तंजा - विजया, वेजयंती, जयंती, अपराजिता । तातो णं पुक्खरिणीओ एगं जोयणसयसहस्सं तं चेव पमाणं तव दधिमुहगपव्वता तहेव सिद्धाययणा जाव वणसंडा ।
णंदीसरवरस्स णं दीवस्स चक्कवालविक्खंभस्स बहुमज्झदेस भागे चउसु विदिसासु चत्तारि रतिकरगपव्वता .पन्नत्ता, तंजहा - उत्तरपुरच्छिमिल्ले रतिकरगपव्वते, दाहिणपुरच्छिमिल्ले रतिकरगपव्वए, दाहिणपच्चत्थिमिल्ले रतिकरगपव्वते।उत्तरपच्चत्थिमिल्ले रतिकरगपव्वते । ते णं रतिकरगपव्वता दस जोयणसयाई उड्डुं उच्चत्तेणं दस गाउतसताई उव्वेहेणं, सव्वत्थ समा, झल्लरिसंठाणसंठिता, दस जोयणसहस्साई विक्खंभेणं एक्कतीसं
385