Page Text
________________
श्री स्थानाङ्ग सूत्र सानुवाद भाग १ ४ स्थानकाध्ययने उद्देशः २ आर्यादिप्रकाराः वृषभहस्तिदृष्टान्ता २८०-२८१ सूत्रे अज्जसीलाचारे ८, अज्जववहारे ९, अज्जपरक्कमे १०, अज्जवित्ती ११, अज्जजाति १२, अज्जभासी १३, अज्जओभासी १४, अज्जसेवी १५, एवं अज्जपरियाए १६, अज्जपरियाले १७, एवं सत्तरस आलावगा जहा दीणेणं भणिया तहा अज्जेण वि भाणियव्वा। चत्तारि पुरिसजाता पन्नत्ता, तंजहा–अज्जे णाममेगे अज्जभावे। अज्जे नाममेगे अणज्जभावे, अणज्जे नाममेगे अज्जभावे, अणज्जे नाममेगे अणज्जभावे १८ ।। सू० २८०।। चत्तारि उसभा पन्नत्ता, तंजहा-जातिसंपन्ने, कुलसंपन्ने, बलसंपन्ने, रूवसंपन्ने। एवामेव चत्तारि पुरिसजाता पन्नत्ता, तंजहा–जातिसंपन्ने जाव रूवसंपन्ने १। चत्तारि उसभा पन्नत्ता, तंजहा–जातिसंपन्ने णामं एगे नो कुलसंपन्ने, कुलसंपन्ने नामं एगे नो जाइसंपण्णे, एगे जातिसंपन्ने वि कुलसंपन्ने वि, एगे नो जातिसंपन्ने, नो कुलसंपन्ने। एवामेव चत्तारि पुरिसजाया पन्नत्ता, तंजहा-जाइसंपन्ने नाममेगे ट्क [=४] २। चत्तारि उसभा पन्नत्ता, तंजहा-जाइसंपन्ने नामंएगे नो बलसंपन्ने० टक [= ४]। एवामेव चत्तारि पुरिसजाया पन्नत्ता, तंजहा-जातिसंपन्ने ह्र [-४] [नामं एगे नो बलसंपन्ने०] ४-३। चत्तारि उसभा पन्नत्ता, तंजहा–जातिसंपन्ने नामंएगे नो रूवसंपन्ने ट्क [=४]। एवामेव चत्तारि पुरिसजाया पन्नत्ता, तंजहा–जाइसंपन्ने नाम एगे नो रूवसंपन्ने, रूवसंपन्ने णाममेगे० ह्व [४]-४। चत्तारि उसभा पन्नत्ता, तंजहा–कुलसंपन्ने नामं एगे नो बलसंपन्ने, बलसंपन्ने नामं एगे ह [४] ४। एवामेव चत्तारि पुरिसजाया पन्नत्ता, तंजहा–कुलसंपन्ने नाममेगे नो बलसंपन्ने ह [= ४] ५। चत्तारि उसभा पन्नत्ता, तंजहा-कुलसंपन्ने णाममेगे णो रूवसंपन्ने ह्र [= ४]। एवामेव चत्तारि पुरिसजाया पन्नत्ता, तंजहा–कुलसंपन्ने णाममेगे नो रूवसंपन्ने ह [-४] ६। चत्तारि उसभा पन्नत्ता तं जहा-बलसंपन्ने णाम एगे नो रूवसंपण्णे ह्य [-४]। एवामेव-चत्तारि पुरिसजाया पन्नत्ता, तंजहा–बलसंपन्ने नाममेगे नो रूवसंपन्ने ह [-४]
चत्तारि हत्थी पन्नत्ता, तंजहा-भद्दे, मंदे, मिते, संकिने। एवामेव चत्तारि पुरिसजाया पन्नत्ता, तंजहा-भद्दे, मंदे, मिते, संकिन्ने। चत्तारि हत्थी पन्नत्ता, तंजहा-भद्दे णाममेगे भद्दमणे, भद्दे णाममेगे मंदमणे, भद्दे णाममेगे मियमणे, भद्दे णाममेगे संकिन्नमणे। एवामेव चत्तारि पुरिसजाया पन्नत्ता, तंजहा-भद्दे णाममेगे भद्दमणे, भद्दे णाममेगे मंदमणे, भद्दे णाममेगे मियमणे, भद्दे णाममेगे संकिन्नमणे। चत्तारि हत्थी पन्नत्ता, तंजहा-मंदे णाममेगे भद्दमणे, मंदे नाममेगे मंदमणे, मंदे णाममेगे मियमणे, मंदे णाममेगे संकिन्नमणे, एवामेव चत्तारि पुरिसजाया पन्नत्ता, तंजहा-मंदे णाममेगे भद्दमणे तं चेव। चत्तारि हत्थी पन्नत्ता, तंजहा–मिते णाममेगे भद्दमणे, मिते णाममेगे मंदमणे, मिते णाममेगे मियमणे, मिते णाममेगे संकिन्नमणे। एवामेव चत्तारि पुरिसजाता पन्नत्ता, तंजहा–मिते णाममेगे भद्दमणे तं चेव। चत्तारि हत्थी पन्नत्ता, तंजहा-संकिण्णे नाममेगे भद्दमणे, संकिने नाममेगे मंदमणे, संकिण्णे नाममेगे मियमणे, संकिण्णे नाममेगे संकिण्णमणे। एवामेव चत्तारि पुरिसजाया पन्नत्ता, तंजहा-संकिण्णे नाममेगे भद्दमणे तं चेव जाव संकिन्ने नाममेगे संकिन्नमणे।मधुगुलियपिंगलक्खो, अणुपुव्वसुजायदीहणंगूलो । पुरओ उदग्गधीरो सव्वंगसमाधितो भद्दो ।।।। चलबहलविसमचम्मो, थुल्लसिरो थूलएण पेरण । थूलणह-दंत वालो, हरिर्पिगललोयणो मंदो ॥२॥
344
| SR No. | 005767 |
| Book Title | Sthanang Sutra Part 01 |
| Original Sutra Author | N/A |
| Author | Jayanandvijay |
| Publisher | Guru Ramchandra Prakashan Samiti |
| Publication Year | |
| Total Pages | 520 |
| Language | Gujarati |
| Classification | Book_Gujarati & agam_sthanang |
| File Size | 14 MB |