________________
प्रथम पद साहारण सरीर बादर वणस्सइकाइय जीव पनवणा
श्री प्रज्ञापना सूत्र भाग १ छल्ली तणुययरी भवे। परित्तजीवा उ सा छल्ली जे यावऽन्ने तहाविहा ॥३४॥जस्स कंदस्स कट्ठाओ छल्ली तणुयतरी भवे। परित्तजीवा उसा छल्ली जे यावऽन्ना तहाविहा ।।३५॥जस्सखंधस्स कट्ठाओ छल्ली तणुयतरी भवे। परित्तजीवा उ सा छल्ली जे यावऽन्ना तहाविहा ॥३६।। जीसे सालाए कट्ठाओ छल्ली 'तणुयतरी भवे। परित्तजीवा उ सा छल्ली जे यावन्ना तहाविहा ।।३७।।।
___चक्कागं भज्जमाणस्स गंठी चुण्णघणो भवे। पुढविसरिसभेदेण अणंतजीवं वियाणाहि ॥३८।।गूढछिरागं पत्तं सच्छीरं जं च होइ निच्छीरं। जं पि य पणट्ठसंधिं अणंतजीवं वियाणाहि ।।३९।। पुप्फा जलया थलया य बिंटबद्धा[वेंटबद्धा] य नालबद्धा य। संखिज्जमसंखिज्जा बोद्धव्वाऽणंतजीवा य ॥४०॥ जे केइ नालियाबद्धा पुप्फा संखिज्जजीविया भणिया। णिहुया अणंतजीवा जे यावऽन्ने तहाविहा ॥४१॥ पउमुप्पलिणीकंदे अंतरकंदे तहेव झिल्ली या एए अणंतजीवा एगो जीवो बिस-मुणाले ।।४२।। पलंडू-ल्हसुणकंदे य कंदली य 'कुसुबए। एए परित्तजीवा जे यावऽन्ने तहाविहा ॥४३।। पउमुप्पल-नलिणाणं सुभगसोगंधियाण या अरविंद-कोकणाणं सयवत्त-सहस्सपत्ताणं ।।४४।। विटं बाहिरपत्ता य कन्निया चेव एगजीवस्स। अभिंतरगा पत्ता पत्तेयं केसरा मिंजा ।।४५।। वेणु-नल-इक्खु वाडियमसमा-इक्खू समासइक्खू य इक्कडे रंडे। करकर सुंठि विहंगू तणाण तह पव्वगाणं च ।।४६।। अच्छिं पव्वं बलिमोडओ य एगस्स होंति जीवस्स। पत्तेयं पत्ताई पुप्फाई अणेगजीवाई ॥४७॥ पुस्सफलं कालिंग तुंबं तउसेलवालु वालुंके । घोसाडयं पंडोलं तिंदूयं चेव तेंदूसं ॥४८॥ विंट समंसकडाहं एयाइं हवंति एगजीवस्स। पत्तेयं पत्ताई सकेसरमकेसरं मिंजा।।४९।। 'सप्फाए 'सज्झाए उव्वेहलिया य कुहणकुंदुक्के। एए अणंतजीवा कुंदुक्के होइ भयणा उ ॥५०॥
- [बीए] जोणिब्भूए जीवो वक्कमइ सो व अन्नो वा। जोऽविय मूले जीवो सोऽवि य पत्ते पढमयाए ।।५।। सव्वोऽवि किसलओ खलु उग्गममाणो अणंतओ भणिओ। सो चेव विवड्ढतो होइ परित्तो अणंतो वा ।।५२।। समयं वक्ताणं समयंतेसिं सरीरनिव्वत्ती।समयं आणुग्गहणं समयं ऊसासनीसासे ।।५३।। एक्कस्स उजंगहणं बहूणंसाहारणाणतंचेवाजंबहुयाणंगहणंसमासओतंपि एक्कस्स।।५४||साहारणमाहारोसाहारणमाणुपाणगहणं च। साहारणजीवाणं साहारणलक्खणं एयं ।।५५।। जह अयगोलो धंतो जाओ तत्ततवणिज्जसंकासो। सव्वो अगणिपरिणओ निगोयजीवे तहा जाण ॥५६।। एगस्स दोण्ह तिण्ह व संखिज्जाण व न पासिउं सक्का। दीसंति सरीराई निगोयजीवाणऽणंताणं ।।५७।। लोगागासपएसे निगोयजीवं ठवेहि इक्किक्कं। एवं मविज्जमाणा हवंति लोगा अणंता उ ।।५८|| लोगागासपएसे परीत्तजीवं ठवेहि इक्किक्कं। एवं मविज्जमाणा हवंति लोगा असंखिज्जा ॥५९।। पत्तेया पज्जत्ता पयरस्स असंखभागमित्ता उ। लोगाऽसंखाऽपज्जत्तयाण साहरणमणंता ।।६०।। एएहिं सरीरेहिं पच्चक्खं ते परूविया जीवा। सुहुमा आणागिज्झा चक्खुप्फासं न ते इति ॥६१॥[पक्खित्ता गाहा] जे यावऽन्ने तहप्पगारा। ते समासओ दुविहा पन्नता। तंजहा-पज्जत्तगा य अपज्जत्तगा या तत्थ णंजे ते अपज्जत्तगा ते णं असंपत्ता। तत्थ णं जे ते पज्जत्तगा तेसिं वन्नादेसेणं गंधादेसेणं रसादेसेणं फासादेसेणं सहस्सग्गसो विहाणाई,संखिज्जाई जोणिप्पमुहसयसहस्साई। पज्जत्तगणिस्साए अपजत्तगा वक्कमंति। जत्थ एगो तत्थ सिय १. तणुपयरी मा. स.; २. सरिसेण भेएण मा. सौ.; 3. कुसुंबए मा.सा., ४. विहुंगू शा. सा. ५. सप्पासे शा. सा.; ६. सव्वाए शा. सा.; ७. जीवे श.सा. ८. यंति शां. सा. ऐंति से..
__.
51