________________
આપ છો જ્ઞાનના ભંડાર
અભિનંદન સ્વીકારજો વારંવાર
ખાણમાં બે વસ્તુ થાય છે હીરા અને કોલસા. હીરાને બધા છૂપાવી રાખે છે જ્યારે કોલસાને સૌ જાહેરમાં મૂકે છે. હીરા ગૃહસ્થના દાગીનામાં કામ લાગે છે અને કોલસા બાળવામાં કામ આવે છે. પણ બંનેમાં ઘણું અંતર છે. કોલસાના સ્પર્શ માત્રથી હાથ કપડાં વગેરે કાળા બની જાય છે. જ્યારે હીરાના અલંકારો શરીરના અંગોને શોભાયમાન બનાવે છે. મહાન વિભૂતિઓ એ હીરા જેવી છે. અમારા આવા જ હીરા જેવા છે અમારા કુટુંબના અણમોલ રત્ન પ. પૂ. નીતાબાઈ મહાસતીજી.
સ્ફટીક જેવું ચોખ્ખું અને નદીના નીર જેવું નિર્મલ છે હદય જેમનું, કરુણાથી નિસરતું અને વાત્સલ્ય વરસાવતું છે નેત્ર યુગલ જેમનું, સૌમ્ય અને શાંત પ્રકૃતિથી ઝળહળતું છે મુખારવિંદ જેમનું, નાગેન્દુ, લઘુ મણીજ્યા ગુરુ પરિવારમાં ગુલાબની જેમ સુવાસ ફેલાવતું છે જીવન જેમનું, પ્રેમાળ સ્વભાવથી, બધાના દિલમાં વસનારા પ્રસન્નતાને પ્રગટાવનાર અમારા માલદે પરિવારના સફળ સુકાની બનનારા સંસ્કાર અને સદાચાર રૂપી પુષ્પોને ખીલવીને અમોને નિષ્કામ અને નિસ્વાર્થભાવે ધર્મકાર્ય અને સત્કાર્યમાં પ્રેરણાનો સ્ત્રોત વહાવનારા એવા પૂ. નીતાબાઈ મહાસતીજી, આપે અથાગ મહેનત કરીને સંયમ જીવનની એક એક મિનિટને મંગલકારી બનાવી છે. ચારિત્ર પાલનની સાથે જ્ઞાનની આરાધનાથી સારાયે જૈન સમાજને જૈનશાસનને સંપ્રદાયને ચમત્કૃત કર્યા છે અને માલદે પરિવારના નામે રોશન કરેલ છે તે ખરેખર ધન્યવાદને પાત્ર છે. ઉગ્ર તપશ્ચર્યાની સાથે ગહન જ્ઞાનનો અભ્યાસ કરી આજે પીએચ.ડી.ની ડીગ્રીં પ્રાપ્ત કરેલ છે તે બદલ આપને મારા લાખ-લાખ અભિનંદન શત... શત... શુભેચ્છા કરોડો કાંગ્રેચ્યુલેશન
ગુણો કે સાગર સે દયા વ કરુણા બરસાઈ આપને દિવ્ય જ્ઞાન કી જ્યોતિ જગમેં સજાઈ દીર્ઘ જીવન હો આપકા સૂર્ય ચાંદકી તરહ તેજસ્વી વાણી સે ધર્મ કી ગરિમા ચમકાઈ
આપના જીવન બાગમાં રહેલા અનંત ગુણો દ્વારા અમારી જીવન ફૂલવાડીને હરીયાળી રાખવા હરહંમેશ કૃપાશિષ વરસાવતા રહો એવી ભાવના સાથે અંતમાં આપનો પાવન પંથ પ્રગતિમય બને. વસુંધરાના ખૂણે ખૂણામાં આપનો જયજયકાર થાઓ.
લિ. શોભનાબેન હરખચંદ માલદે (પૂ. નીતાબાઈ મ. સ.ના બીજા નંબરના સંસારીભાભી)
૪૯