Dandak Ek Adhyayan

SR No.: 005746
Original Sutra Author: N/A
Author: Nitabai Swami
Publisher: Mansukhbhai J Madani
Publication Year: 2006
Total Pages: 632
Language: Gujarati
Classification: Book_Gujarati
File Size: 11 MB

Page 55

નિયતિ અને નિસર્ગની મહાસત્તાએ જેમનું સર્જન જિનશાસનના ઉચ્ચતમ ઉત્કર્ષ માટે કર્યું એવા પ. પૂ. આચાર્ય ગુરુદેવ શ્રી છોટાલાલજી સ્વામી જેમના અનુપમ આદર્શોના શિલાલેખ અસંખ્ય આત્મપ્રદેશે આલેખાયેલ છે એવા પવર્તિની પૂ. મણીબાઈ સ્વામી તતા જેમની અજગ્ન અનુગ્રહધારા અંતરે અહર્નિશ અનુભવાય એવા પૂ. જયાબાઈ મ. સ.ના સુશિષ્યા બા. બ્ર. પૂ. ડૉ. નીતાબાઈ સ્વામીએ તેઓશ્રીની વરસાવેલા કૃપાપારાને સાર્થક કરી ૩૫ વર્ષના સંયમ જીવનમાં જન જનના હૈયામાં સ્થાન મેળવી લીધું છે. એમાં સહયોગ મળ્યો છે. કાર્યદક્ષ ઉત્સાહી અંતેવાસી પૂ. ચાંદનીબાઈ મ. સ.નો એ કેમ ભૂલાય ? શાસન સંપ્રદાયને આવા સતીરત્નો મળ્યાનું ગૌરવ હોય છે. એ તો સ્વાભાવિક છે. પૂ. સતીરત્નોએ જ્યાં જ્યાં ચાતુર્માસો કર્યા છે, ત્યાં ત્યાં જ્ઞાનની પ્રભાવના કરી છે.
જેમના રોમેરોમમાં શાસન-સંઘ શાસ્ત્રના યોગક્ષેમ વૃદ્ધિ આબાદી, હિતકામના રહેલી છે, જેમની આંખમાં પરમગીતાર્થ મહર્ષિનો આત્મા ડોકિયાં કરે છે. એવાં પ્રભાવશાળી પૂ. ડૉ. નીતાબાઈ સ્વામીએ અમને થીસીસ પ્રકાશિત કરવાની અનુમતિ આપી તેના માટે અમે ૫. પૂ. ડૉ. નીતાબાઈ સ્વામીના ઋણી છીએ.
દંડક એક અધ્યયન” તત્ત્વજ્ઞાનના વિશાળ પુસ્તકમાં આધ્યાત્મિક જ્ઞાન અભિલાષા જગાડવાની તાકાત છે. જો એ તત્ત્વજ્ઞાનનું ચિંતન, મનન અને નિદિધ્યાસન કરવામાં આવશે. તો તેમાંથી આધ્યાત્મિક નવનીત અને રસાયણની પ્રાપ્તિ થશે. તત્ત્વજ્ઞાના પુસ્તક પ્રકાશનમાં જે જે દાતાઓએ સહકાર આપ્યો છે. જે તનથી, મનથી ઉપયોગી બનેલા સહયોગી દાતાઓ છે, તેઓનો અમે આભાર માનીએ છીએ. શ્રી સંઘની પ્રત્યેક પ્રવૃત્તિના પ્રેરણાબળ બનનાર નામીઅનામી સહુનો દિલથી આભાર અને ભવિષ્યમાં પણ સદૈવ સહકારી બની સંઘની ઉન્નતિમાં આશિષ આપશો એ અંતરની આરજુ.
જ્યારે ખુલે છે પાના પુસ્તકના, સુંદર વિચારો છૂરે છે મસ્તકના, ભાગ્ય છે આ ભગવાન બનાવે તેવી તકના, દેખાડશે શિખર મુક્તિ મલકના,
પૂ. ડૉ. નીતાબાઈ સ્વામી જ્ઞાનદર્શક બનીને કૃતિમાં ઉભરાયા છે. અમને વિશ્વાસ છે કે તેમના આ સારસ્વત, ગુણાત્મક વ્યક્તિત્વથી અનેક ગ્રંથ જન્મ લેશે અને અમોને આવો લાભ આપતા રહેશે. એજ,
મનસુખભાઈ જે. શાહ (C.A) પ્રમુખશ્રી, શ્રી ધાનેરા સ્થા. જૈન સંઘ, ઘનશ્યામ નગર સ્થા. જૈન સંઘ,
અમદાવાદ,