________________
૫૪ પ ઉપાધ્યાય યશોવિજય સ્વાધ્યાય ગ્રંથ
ન્યાયે સકલ આત્માનું તેજ (ચૈતન્યનો ઉદ્યોત) તીર્થંકરદેવમાં સંક્રાન્ત થયું તેથી તેમનું રૂપ આવું અલૌકિક બન્યું. પછી પેલી ગાથાગત ઉપમા યોજી દીધી – સર્વ સુરાસુર રૂપ કરતાં તીર્થંકરદેવના અંગૂઠાનું તેજ ચઢિયાતું છે તે વર્ણવ્યું. તીર્થંકર દેવના અવર્ણનીય રૂપનું કારણ સકલ ચૈતન્યનું એમણે કરેલું ધ્યાન છે. તે તેમણે પોતાની મેધાથી પ્રકાશિત કર્યું.
- આ ઉદહરણોથી આપને ખ્યાલ આવશે કે આ અનુવાદકૌશલ્ય તેઓની સર્જકપ્રતિભાની શોભાસ્વરૂપ છે. આવાં તો હજુ પુષ્કળ ઉદાહરણો મળી આવે. આપણે તો તેઓની શતમુખી પ્રતિભાનાં દર્શન કરવા લેખે જ આ એક પ્રકાર – અનુવાદકૌશલ્ય – નું સંક્ષેપમાં રસદર્શન કરાવ્યું. આટલું જોઈને કોઈક વિદ્વાન આ વિષયનું સમગ્ર આકલન-સંકલન કરવા લલચાય તો કેવું સારું ? આટલું જણાવી વિરમું છું.
अस्मादृशां प्रमादग्रस्तानां चरणकरणहीनानां ।
अब्धौ पोत इवेह प्रवचनरागः शुभोपायः ॥ અમારા જેવા પ્રમાદગ્રસ્ત અને ચરણકરણ (સંયમધર્મની પુષ્ટિ માટેના નિયમો. ગુણો)થી હીનને આ જન્મમાં જિનપ્રવચન પ્રત્યેનો રાગ જ સાગરમાં નાવની સમાન તરવાનો શુભ ઉપાય છે. •
ઉપાધ્યાયયશોવિજય (ચાયલોક).
