________________
૨૦૨ ] ઉપાધ્યાય યશોવિજય સ્વાધ્યાય ગ્રંથ
सूत्रस्थितिर्मनो यस्य जांगुलीवाधितिष्ठति । पराभवितुमेनं न प्रभवन्ति रिपूरगाः ||१०|| ६० ॥ वांतमोहविषस्वांतकांतशान्तरसस्थितिः ।
||११|| ६१ ॥
हताधध्वांतसिद्धांतनीतिभृज्जयताद्गुरुः न्यायारामसुधाकुल्याः कुनीतिविपिनप्लुषः । देशना क्लेशनाशाय सद्गुरोर्गुणशालिनः ||१२|| ६२ ॥ ब्रह्माण्डभाण्डे तेजोऽग्नितप्ते यस्य यशः पयः । उत्फेनायितमेतस्य बुदबुदास्तारका बभुः ||१३|| ६३ ॥ कर्तुं कः शक्नुयाद्यस्योकेशवंशस्य वर्णनं । समुद्रवदमुद्रश्रीरगाधः श्रूयते च यः || १४ || ६४ || योऽतिस्वच्छस्य गच्छस्य महापदमशिश्रियत् । अदृष्टशुभसंतानप्रथमानमहोभरः || १५ || ६५ || लक्ष्यंते कुशलोदर्का यस्य स्वांतमनोरथाः । गिरामपीह संपर्कास्तर्का एव न साक्षिणः ||१६|| ६६ || यत्सुदर्शनभृत्ख्याते रसे नानुमिमीमहे । कलिपाथोधिमग्नायाः उद्दिधीर्षां भुवो ध्रुवं ||१७|| ६७ ॥ रत्नानीव पयोराशेर्वियतस्तारका इव ।
.
गणनायां समायाति गुणा यस्य न कर्हिचित् ||१८|| ६८ ॥ हृदयं ज्ञानगंभीरं वपुर्लावण्यपावनं ।
गर्जितेनोर्जिता वाणी यस्य किं विस्मयाय न ||१९|| ६९ ॥ युक्तं युक्तमिदं यस्मिन् ज्ञानाद्वैतावलंबिनि । ख्यातिस्फातिमनिर्वाच्यां गाहंते निखिला गुणाः ||२०|| ७० ॥ यस्य ध्यानानुरूप्येण ध्येयता विदुषामभूत् ।
व्यक्ता सेयं समापत्तिः पातंजलमताश्रिता ॥२१॥ ७१ ॥ यस्या प्रतिहतेच्छस्य क्षमाकर्तृत्व हेतुतः ।
ईश्वरत्वं न कैरिष्टं योगवैशेषिकैरिव ॥ २२॥ ७२ ॥ यन्मनोवैभवं ब्रूते मीसांसामांसलो न कः ।
स्वतंत्रां प्रकृतिं यस्य सांख्यः को नाभिमन्यते ||२३|| ७३ ॥ इत्थं षड्दर्शनारामप्रसरत्कीर्तिसौरभः ।
यः प्रतापप्रथाशाली शोभते स्फारसौरभः ॥ २४॥ ७४ ॥ अमूदृशाचार्यसमूहवर्यहर्यक्षचर्याविहितानुवादैः । -
सदाऽवधार्या हृदि सुप्रसादैः श्रीपूज्यपादैः प्रणतिस्त्रिसंध्यं ||२५|| ७५ ॥
