________________
૫૩
એક પ્રકારનો ટેકસ-લાગો નાખવો જોઈએ. પણ આવી ભલામણ કરનારાઓએ જૈનોની સ્થિતિને પહેલાં ખ્યાલ કરવાની જરૂર છે. જૈ. નમાં રહેલી ગરીબાઈ દુષ્કાળ ઉપર દુષ્કાળ, મોંઘવારીનું વધતું જતું જેર અને સરકારના કેટલાક ટેકસો-આ બધાં કષ્ટોમાં ધર્મના નામે તેમના ઉપર જે કોઈ ટેકસ નાખવામાં આવે, તો તે “મરતાને પાટ” સમાન શું ન થઈ પડે ? કોન્ફરન્સ જેવી સંસ્થામાં ચાર ચાર આના આપવામાં પણ લોકો કેટલા પાછા રહ્યા છે, એ શું કોઈથી અજાણ્યું છે? વળી કેટલાક ગામો અને શહેરોમાં સાધારણ અને કેશર-સૂખડ માટે બે–એક કે અડધા રૂપિયાનો લાગી હોય છે, પરંતુ તે પણ આપવો લોકોને ભારે પડે છે, અર્થા–તેવો જજ લાગો પણ દરેક પાસેથી વસૂલ થઈ શકતો નથી, તો પછી આવા બીજા નવા લાગાઓથી શી સાથંકતા થાય ?
અતએ આને માટે સૌથી સારામાં સારો અને સહેલામાં રહેલો ઉપાય એજ છે કે–આપણામાં જેટલી બોલીયો બોલાય છે, તે તમામની ઉપજ સાધારણ ખાતામાં લઈ જવાનો સંઘ ઠરાવ કરવો જેઈએ. જેથી કોઈના માથે કંઈ પણ જાતનો બોજો પણ ન પડે, અને સંઘનું આ કાર્ય અનાયાસથી સિદ્ધ થઈ જાય, અને તેમ કરવામાં કંઈ શાસ્ત્રીય દોષ પણ નથી. મને લાગે છે કે જે આ પ્રમાણેની યોજના કરવામાં આવે, તો જૈનસમાજ જે જે રોગોથી અત્યારે સડી રહી છે તે બધાએ રોગોને થોડા જ વખતમાં દૂર કરવા ભાગ્યશાળી થઈ શકે અને પરિણામે જૈનસમાજ જગતના તમામ વિભાગોમાં મહાવીરદેવના અકાદ્ય સિદ્ધાન્તોનો પ્રચાર કરી શકે.
મહાનુભાવો ! આવો સુઅવસર પ્રાપ્ત કરવા માટે ઉત્સાહિત થાઓ. ઈર્ષ્યા અને વૈરભાવની લાગણીઓને દૂર કરી તટસ્થ બુદ્ધિથી શાસ્ત્રોનાં રહસ્યોને તપાસો. સમયના સંયોગો તરફ દૃષ્ટિપાત કરો. જેમ સમય સમય ઉપર દ્રવ્ય-ક્ષેત્ર-કાળ-ભાવ જોઈને સમાજનાં બંધારણમાં અને રીત-રિવાજોમાં ફેરફારો થતા આવ્યા છે, તેમ વર્તમાન સમયમાં પણ સમાજનું બંધારણ સુવ્યવસ્થિત અને અમુક વર્ષોથી ચાલ્યા આવતા કેટલાક રિવાજોમાં ફેરફાર કરવાની જરૂર છે. પ્રસ્તુતમાં મારે સ્પષ્ટ કહેવું જોઈએ કે–જો કે -આરતી-પૂજા વગેરેની
