________________
36
માનવતા માટે પ્રથમ ટ્રસ્ટ
નવસારીના ચાતુર્માસ દરમિયાન ત્યાંના મોટા ઉદ્યોગપતિ શેઠશ્રી હસમુખભાઈ રાયચન્દ્ર શાહ. જેઓ વારસાગત જૈન હોવા છતાં જૈનત્વના સંસ્કારોથી પ્રભાવિત ન હતા. પરંતુ તેમની માનવતા અવલ કક્ષાની હતી. તેઓ ક્રિયાના જૈન ન હતા પણ વિચાર અને સ્વભાવના જૈન હતા. તેઓ પૂ. ગુરુદેવશ્રી સાથે વાર્તાલાપ દરમ્યાન પોતાનો ઉમદાભાવ રજુ કરે છે. “સાધર્મિકની સ્થિતિ વિષમ છે તેથી “આપના માર્ગદર્શન હેઠળ સાધર્મિકોને સહાય કરી શકાય તેવી સંસ્થા બનાવવી છે.” એમ કહી હસમુખભાઈએ પોતાની ઉદારતા છલકાવી ઉત્તમ અનુદાન જાહેર કર્યું. પૂ. ગુરુદેવની કરૂણા કાયમી ધોરણે જીવો અને ગરીબ જૈનો માટે સવિશેષ વહેતી જોઈ છે. તે સમયે એટલે કે આજથી લગભગ ૪૦ વર્ષ પહેલાં હસમુખભાઈના મોટા અનુદાન સાથે માનવ રાહત ટ્રસ્ટનું નિર્માણ થયું, અને તે ટ્રસ્ટ દ્વારા સાધર્મિકોને દર મહિને રૂ.૩૦/૪૦/૫૦ના મનીઓર્ડર થતા હતા. યાદ રહે આ ટ્રસ્ટ ૪૦ વર્ષ પૂર્વેનું છે તે વખતે ગરીબી આટલી જ ગરીબ હતી માત્ર ૩૦ કે ૫૦ રૂપિયાના અભાવના કારણે લોકોની સ્થિતિ દયનીય થતી હતી. તે સાધર્મિકોને રૂ.૫૦ દેવી શક્તિ બનીને ઊતરતા હોય તેવું લાગતું. આવા ૪૦૦ મનીઓર્ડર દરમહિને થતા સમગ્ર ગુજરાતના સાધર્મિકોની આલમમાં વિશિષ્ટ સમાધિના સમાચારો આ ટ્રસ્ટના કારણે મળવા લાગ્યા. સુરતના શેષકાળના રોકાણ દરમિયાન પૂ.ગુરૂદેવે પર્યુષણ પર્વ તાલિમ માટેની વાચનાઓ શરૂ કરી લગભગ ૪૦૦-૫૦૦ યુવાનો વાચનામાં આવતા હતા. અમદાવાદની જેમ સુરતમાં પણ ચંદનબેન કેશવલાલ સંસ્કૃતિ ભવન શરૂ થયું. ગુરૂદેવના માત્ર ત્રણ માસના રોકાણે સુરતમાં પ્રવૃત્તિના વિશાળ વૃક્ષનું બીજરોપણ કર્યું. સુરતમાં સંસ્કૃતિ રક્ષકદળની સ્થાપના થઈ ભવન પણ બન્યું. સુરતના નરેન્દ્રભાઈ હેકકડ તો ૨૦૩૧ના સાલમાં ગુરૂદેવને મળેલા, ગુરૂદેવ સાથે તેમનો ૩૬ વર્ષનો ગાઢ સંબંધ અખંડ ચાલ્યો, જીતુભાઈ, શૈલેષ, નયન, શ્રેણિક વિદાણી, રમેશભાઈ ચાહવાળા આદિ સક્રિય કાર્યકરોનો ગુરૂદેવને જીવનભર સાથ રહ્યો. તેમા જગદીશભાઈ પંડિત જેમને ગુરૂદેવની પ્રેરણાથી સાધુ-સાધ્વીજી ભગવંત અને મુમુક્ષુઓને વાચના દ્વારા અનેકોના સંયમને જ્ઞાન આપવા દ્વારા મજબુત કર્યું. સુરતમાં ગોપીપુરામાં ભવનની સ્થાપના થઈ પછી મુંબઈ તરફ વિહાર શરૂ થાય છે.