Page Text
________________
સંસ્કાર ક્ષાની લડત...
અમદાવાદથી નવસારી ચાતુર્માસ માટે જતી વેળાએ રસ્તામાં સુરત ખાતે ગુદેવનું રોકાણ હતું. તે દરમિયાન ચોંકાવનારી ઘટના જૈન સમાજમાં બની. એક જૈન પતિને પોતાની પત્નીએ છૂટાછેડા ન આપ્યા. તે પતિને બીજી છોકરી સાથે લગ્ન કરવા હતા. તેથી પતિએ મુસ્લિમ ધર્મનો સ્વીકાર કર્યો. છોકરી પણ મુસ્લિમ બની અને બંનેય જણાએ મુસ્લિમ મૌલવી પાસે નિકાહ પઢી લીધા. ગુરુદેવને આ ઘટનાના સમાચાર મળ્યા. ગુરુદેવનું સિંહસત્ત્વ છંછેડાયું. યાદ રહે વર્તમાનમાં જે ઘટના વ્યક્તિગત હોય છે તે જ ઘટના જો અયોગ્ય હોય અને તેનો વિરોધ ન થાય, તો સમાજમાં તે ઘટના પરંપરા બનીને ફેલાતી જવાનો મોટો ડર રહેલો છે. આવા ડરને નજરમાં રાખીને મહાપુરુષોએ ભૂતકાળમાં બનેલી આવી અયોગ્ય ઘટનાઓનો કઠોર વિરોધ કર્યો છે. પતિ આ રીતે ધર્માન્તર કરીને પોતાની સ્વચ્છંદતાને પોષશે અને તેનો કોઈ વિરોધ ન થાય. તો આ જ દૃષ્ટાંતને નજરમાં રાખીને અનેક પતિઓ આવું કરે જેના લીધે અનેક સંસ્કારી કન્યાઓ અનાથ બની જાય. આવા ડરામણા ભાવિના-વિચારે ચંદ્રશેખર મહારાજે સિંહગર્જના શરૂ કરી અને સમગ્ર દક્ષિણ ગુજરાતમાં બનેલી આ ઘટના સામે કડક પ્રતિપાદન પ્રવચનોમાં શરૂ કર્યા. તેથી તે પતિના સમગ્ર પરિવારની સામે સમાજે યોગ્ય પગલાં લીધાં. જેથી સમગ્ર જૈન સમાજ પણ સાવધાન થઈ ગયો. વ્યક્તિગત સ્વતંત્રતા કે સગવડ સમાજ વ્યવસ્થાના ઘાતક ન જ હોવા જોઈએ. તેવો દાખલો પુનઃ સ્થાપિત થયો. તેમાંય ચન્દ્રશેખર મહારાજનો સિંહફાળો રહ્યો. નવસારીના ચાતુર્માસ દરમિયાન ગુરુદેવનાં જાહેર પ્રવચનો મહાવીર સોસાયટીના પ્રવચન મંડપમાં હતા દસ-પંદર હજારની જંગી માનવ સંખ્યા પ્રવચનમાં ઉપસ્થિત રહેતી. તે સમયે ચન્દ્રશેખર મહારાજ સમગ્ર જૈન સંઘના લોકપ્રિય પ્રવચનકાર તરીકે ઊભરી આવ્યા હતા. તેમની જબાન વેધક હતી. રામાયણના માધ્યમથી પાશ્ચાત્ય જીવનશૈલી સામે સખ્ત સમાલોચના કરવા છતાં તેમના માટેનું આકર્ષણ અને આદર સભાજનોમાં સતત વહેતાં મેં જોયા છે.
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |